नारायणी अस्पताल के वार्षिकोत्सव मे ९१ जने कईलें खुनदान
वीरगंज १० कुवार
नारायणी अस्पताल वीरगंज के १३१ वाँ वार्षिकोत्सव मे आयोजना कईल कार्जक्रम मे ३३ जने जनानी सहित ९१ जने खुनदान कईले बा ।
अस्पाल परिसर मे भईल कार्जक्रम मे डा. मुकेश अग्रवाल, साहेब अन्सारी, आदेश चौरसिया, ममता चौधरी, किरण कुमारी, आरती चौरसिया, प्रिती साह, शर्मीला महर्जन, सञ्जिव गुप्ता, विशाल राम लगायत के लोग खुनदान कईल रक्तसञ्चार केन्द्र वीरगंज के प्राविधिक प्रमुख सौरभराज पाण्डे जानकारी देहनी ।
कार्जक्रम संयोजक डा. रोशन अली के अध्यक्षता मे भईल कार्जक्रम मे अस्पताल के मेडिकल सुपरिटेण्डेट डा. चितरञ्जन साह, अस्पाल कर्मचारी युनियन के पूर्व अध्यक्ष रामेश्वर प्रसाद, डा. प्रभाकर पाण्डे, हरि गुप्ता लगायत के सहभागीता रहल रहे ।
अस्पताल के वार्षिकोत्सव मे कुवार १३ गते अस्पताल प्राङ्गण मे विशेष समारोह आयोजना कईल जाई । उ समारोह के प्रमुख अतिथि संघीय सरकार के स्वास्थ्य मन्त्री मोहनबहादुर बस्नेत रहेके अस्पताल के प्रवक्ता डा. उदयनारायण सिंह जानकारी देहनी ।
