अहमदिया संघ नेपालद्धारा भुकम्प पिडितलाई राहत सहित श्रमदान

काठमाण्डौ, २२ कार्तिक

शुक्रवार रात्री जाजरकोटको बारेकोट गाउँ पालिका रामी डाँडा केन्द्र विन्दू बनाएर गएका भुकम्पले प्रभावित बनेकाहरुलाई दुई दिन देखि खाना पकाई खोवाइदै गरेको र सो क्षेत्रका प्रभावितलाई राहत सामग्री स्वरुप लत्ता कपडा, त्रिपाल, खाद्यान्न समेत वितरण गरेको अहमदिया संघ नेपालले जनाएको छ ।

अहमदीया संघ नेपालको युवा समूहका नईमुदिन अहमद र उपाध्यक्ष हिजकील अहमदको संयोजक्तवमा जाजरकोटमा राहत सामग्री वितरण सहित श्रमदान गरेको छ । सबैलाई प्रेम गरुन कसैलाई घृणा नगर्नु भन्ने मुल नाराका साथ जाजरकोटमा गएको प्राकृतिक आपदा भुकम्पलाई सहयोग पुर्याएका छन् ।

सो क्षेत्रका प्रभावित परिवारलाई श्रमदान गर्दै खाद्यान्न समेत सहयोग गर्दै जाने लक्ष्यका साथ सो टोली जाजरकोटमा शनिवार देखि निरन्तर लागेका युवा संघका उपाध्यक्ष हिजकील अहमदले बताए ।