बारागढी–४ सुखी टोल मे पासवान समाज के बृहत भेला, अध्यक्ष मे जगदिस चयन

प्रभु यादव

बारा २८ पुस

बारा के बारागढी गाँवपालिका वार्ड नमबर ४ सुखी टोल मे पासवान (दुसाद) समाज के बृहत भेला पुरा भईल बा ।

भेला के सम्बोधन करत पासवान समाज रौतहट के सल्लाहकार मटुक पासवान राज्य से पासवान के देखेवाला दृष्टिकोण फरक रहल बतवनी । सरकार पासवानलोग के उपेक्षा कईल कहत राज्य के प्राथमिता मे राखेके बिचार रखनी । समाज मे अभी भी पासवान समुदाय के आदमीसब उपर अनेकन लक्षना लगाके बिभेद हो रहल बतवनी । बहुते सार्वजनिक मठमन्दिरसब मे अभी भी पासवान समुाय के आदमीसब के प्रवेश करेमे रोक लगाके जातियविभेद कर रहल बात मे जोड देहनी । राज्य जातिय छुवाछुत के डण्डणिय अपराध के रुप मे संविधान मे हि व्याख्या कईला पर भी ब्यवहार मे स्थानिय सरकार से लागु ना कईला पर जातिय विभेद के घटना से अभी भी जर बनाके रहल प्रमुख अतिथी पासवान बतवनी ।

समाज के बारा निर्वाचन क्षेत्र नम्बर १ के अध्यक्ष गजेन्द्र पासवान के अध्यक्षता मे भईल कार्जक्रम मे जिल्ला अध्यक्ष बिगु पासवान, पर्सा जिल्ला अध्यक्ष प्रभु हजरा, पर्सा के प्राधयापक रबिभुषन पासवान, बीरगंज महानगरपालिका के अधिकृत शम्भु पासवान, पत्रकार सिकेन्द्र पासवान, पासवान के अगुवालोग रामशरण पासवान, रुपनारायण पासवान, मोहन पासवान, उपेन्द्र पासवान, सुखी टोल निवासी पुर्व गाबिस उपाअध्यक्ष बिरेन्द्र चौधरी, एमाले मे नेताभागरिथ चौधरी, लोसपा के नेता रामाकान्त चौधरी लगायत के लोग आपन आपन बिचार रखले रहनी ।

भेला से बारागढी गाँवपालिका स्तरिय पासवान (दुसाद) समाज गठन कईले बा । समिती के अध्यक्ष मे जगदिस पासवान, उपाअध्यक्ष दुलार पासवान, सचिव मे बिरोधी पासवान, सह–सचिव मे तुलसी पासवान, कोषाअध्यक्ष मे ललिता पासवान सर्वसहमत निर्वाचित भईल बाडन । सदस्यलोग मे रामएकवाल, बिजय, रामचन्द्र, मनोज, चन्देश्वर, बिसुन, बृजकिशोर, श्राद्धा आ सोभन पासवान निर्वाचित भईल बाडन ।