छिपहरमाई मे दादुरा–रुबेला सम्बन्धि अभिमुखिकरण

वीरगंज १७ फागुन

पर्सा जिल्ला के छिपहरमाई गाँवपालिका मे दादुरा– रुबेला खोप अभियान २०८०÷८१ सम्बन्धि अभिमुखीकरण कार्जक्रम बियफे के दिने पुरा भईल बा ।

कार्जक्रम मे पालिका स्वास्थ्य प्रमुख शनि कुमार साह दादुरा– रुबेला खोप अभियान २०८०÷०८१ के कार्जक्रम के बारे मे जाकारी करवले रहनी । दादुरा– रुबेला खोप ९ महिना से १५ बरीस निचेके लईकालईकी के खोप चलावे सकेके बतवनी ।

उ जउन लईकालईकी ९ महिना से ५ बरीस से कम के लईकालईकीसब डि.पि.टी, बि.सि.जी. आ पि.सि.भि खोप लगावल छुटल लईकालईकी के छुटल खोप के साथे दादुरा– रुबेला खोप भी लागेके बतवनी । छिपहरमाई गाँवपालिका भर फागुन २७ गते से चईत ५ गते तक खोप चलेके जनकारी देहनी । अभिमुखकरण कार्जक्रम वार्ड अध्यक्ष मौजीलाल साह के अध्यक्षता मे भईल कार्जक्रम मे उपाध्यक्ष लिलावती देवी, वार्ड अध्यक्ष कामेश्वर यादव, महेन्द्र साह कलवार, दिपेन्द्र सिंह, रामेश्वर महतो, कार्यपालिका सदस्य बलिस्टर साह, नरेश साह, भगिया देवी, भुलन साहस्वास्थ्यकर्मी, जनप्रतिनिधि, कर्मचारी लगायत के सहभागिता रहल रहे ।