अबैध रुपमे लियावल ५ हजार किलो पियाज पकडाईल

वीरगंज १८ फागुन

भारत से अबैध रुपमे लियाके वीरगंज मे भण्डारण करके राखल बहुते परिमाण मे पियाज पुलीस पकडले बा । जिल्ला प्रहरी कार्यालय पर्सा से खटल पुलीस टोली वीरगंज महानगरपालिका वार्ड नम्बर ८ मिनाबजार मे अनधिकृत रुप मे भण्डारण करके राखल अवस्था मे ५ हजार २२० किलोग्राम पियाज बरामद कईले बा । विशेष सूचना के आधार मे चेकजाँच करे पुगल पुलीस के देखते मातर पियाज भण्डारण करेवाला आदमी भागल जिल्ला प्रहरी कार्यालय पर्सा के प्रहरी नायब उपरीक्षक कुमारविक्रम थापा बतवनी ।

थापा के मुताविक १३३ बोरा मे रहल ५ हजार २२० किलो पियाज लावारिस अवस्था मे बरामद कईल बा । बरामद पियाज जरुरी कारवाही के खातिर वीरगंज भन्सार कार्यालय मे बुझावल थापा बतवनी । नेपाल सरकार बितल सावन १ गते से आलु आ पियाज मे भ्याट लगईला के बाद तस्करी बढल जनावल गईल बा ।