स्रोत ना खुलल रोपेया सहित दु जने पकडईलें

सर्लाही १९ चईत

सर्लाही सदरमुकाम मलंगवा से स्रोत ना खुलल करिब २८ लाख रोपेया सहित दु जने के पुलीस पकडले बा । १० लाख सहित पकडाईल के बयान के आधार मे पुलीस आउर करिब १८ लाख रोपेया सहित दोसर एक आदमी के भी पकडले बा ।

सदरमुकाम मलंगवा नगरपालिका–९ स्थित सडक मे करिया रङ के झोरा पिठपर राखके जारहल मलंगवा–३ के कमर राजा के पुलीस शंका लागके जाँच कईला पर उनकर साथ से १ हजार दर के हजार थान करके जम्मा १० लाख नगद बरामद कईले रहे ।

पकडाईल राजा के रोपेया के स्रोत खुलावेके कहला के बाद उ उहे जगहा के आरिफ शेख से सञ्चालन कईल सिटी मोबाइल सेन्टर से लियावल कहला के बाद पुलीस मोबाइल सेन्टर मे पुगल रहे ।

उ दोकान के कानुन बमोजिम खानतलासी कईला पर ¥याक भितर राखल खैरो रङ के कपडा के झोरा भितर १ हजार दर के १ हजार ४ सय ५४ थान, ५ सय दर के ६ सय २२ थान, १ सय के १ सय ९ थान, ५० आ २० के एक–एक थान करके आउर १७ लाख ७५ हजार ९७० रोपेया बरामद भईल प्रहरी उपरीक्षक दयानिधि ज्ञवाली जानकारी देहनी । उनका मुताविक कुल २७ लाख ७५ हजार ९ सय ७० रोपेया के स्रोत ना खुलला के बाद रोपेया सहित दु जने के नियन्त्रण मे लेहले बा । स्रोत ना खुलल रोपेया सहित पकडाईल के अनुसन्धान हो रहल जिल्ला प्रहरी कार्यालय जनवले बा । पकडाईल लोग अवैध सोना के कारोबार मे भी संलग्न भईल आशंका कईल बा ।