पर्सामे सामाजिक सद्भाव कायम राखत ईद मनावल गईल भोटा. संवादद

वीरगंज २९ चईत

पर्सा जिल्ला मे भी इस्लाम समुदाय ईद–उल–फित्र (ईद) सामाजिक सद्भाव कायम राखत मनवले बाडन । इस्लाम समुदाय पर्सा मे रहल ईदगाह तथा मस्जिद मे नमाज (प्रार्थना) करत पर्व मनवले बाडन ।

वीरगंज महानगरपालिका–२ स्थित ईदगाहचोक मे हजारो सङ्ख्या मे रहल मुस्लिम समुदाय से एकापस मे खुसी साटासाट करके ईद मनवले बाडन ।

वीरगंज के आउर समुदाय के धर्मावलम्बी से भी एकापस मे शुभकामना आदानप्रदान कईले बाडन ।
वीरगंज–२ छपकैयाँ के शाहिद मियाँ सिद्धिकी चाडपर्व के सामाजिक सद्भाव कायम करेवाला माध्यम के रूप मे अगाडि बढावेके बतवनी ।

“वीरगंज मे हिन्दू, मुस्लिम, शिख लगायत के समुदाय के आदमी एकापस मे सद्भाव कायम करके रहत आ रहल बाडन”, उ कहनी, “हमर हिन्दू तथा शिख समुदाय के साथीलोग ईद के शुभकामना देहला के साथे आपन चाडपर्व मे भी बोलावेलन । हमनी भी ईद मे उलोग के बोलावल जाई ।”

दुनु समुदायबीच शुभकामना साटासाट करत आ रहल सिद्धिकी के कहनाम बा । कउनो भी चाडपर्व के आपसी भाइचारा आ सामाजिक सद्भाव कायम करेवाला किसिम से अगाडि बढावल जरुरी रहल उ जोड देहनी ।

वीरगंज के मस्जिद तथा ईदगाह मे लईका से ज्येष्ठ नागरिक उमिर समूह के मुस्लिम समुदाय के आदमी के सहभागिता रहल रहे । साथे शारीरिकरूप मे अपाङ्ग तथा अशक्तसब भी नमाज करे खातिर ईदगाह तथा मस्जिद मे सहभागी भईल रहलन ।

“हमनी ईद के अवसर मे एक महिना तक भुखे रहके रोजा ‘व्रत’ कईनी । अब नमाज पढके रोजा तुरले बानीसन्”, मुस्लिम समुदाय के अगुवा सहवीर अहम्मद कहनी, “आजु हमनी घर मे इष्टमित्र बोलाके सेबई आ आउर बढिया परिकार खाए आ खियावेके परम्परा रहल बा ।”

उनका मुताविक मुस्लिम समुदाय आपन आम्दानी के दु दशमलव पाँच प्रतिशत रकम दुःखी तथा अनाथ के सहजोग करेवाला परम्परा भी रहत आईल बा । ईद के दिन मुस्लिम समुदाय के बर्तालु सबेरे मस्जिद आ ईदगाह मे पुग के सामूहिक नमाज पढके खुद तथा आपन परिवार के ओरी से भईल गल्ती के क्षमायाचना करत अल्लाह (भगवान्) से आशीर्वाद लेवेलन ।

वीरगंज मे करिब तीस हजार के हाराहारी मे मुस्लिम समुदाय रहल अनुमान कईल बा । वीरगंज मे ईदगाहचोक, छपकैया, मुली, नगवा, नयकाटोला लगायत जगहा मे पुग के नमाज पढके दुवा अर्थात् आशीर्वाद माँगल दृश्य देखल जात रहे । नमाज पढला के बाद मुस्लिम समुदाय एकापस मे गले मितल ईद के शुभकामना आदान प्रदान करके ई पर्व मनवले बाडन