महागढीमाई नगरपालिका के आठ वाँ नगर सभा मे आ.व.२०८१÷८२ के नीति कार्जक्रम आ बजेट प्रस्तुत

प्रभु यादव

बारा ५ असाढ
बारा के महागढीमाई नगरपालिका के अठ वाँ नगर सभा पुरा भईल बा । नगरपालिका के सभा हल मे नगर सभा के आयोजना कर के आ. व. २०८१÷०८२ के नीति कार्यक्रम तथा बजेट प्रस्तुत कईल गईल रहे ।
नगर प्रमुख उपेन्द्र प्रसाद यादव ७७ करोड ५४ लाख ९८ हजार पाँच सय के अनुमानित आय होखी बतावले रहनी । बजेट मे संघिय सरकार से समानिकरण अनुदान १४ करोड ६२ लाख आ शसर्त अनुदान चालू २७ करोड ८८ लाख ९९ हजार पाँच सय, शसर्त अनुदान पुँजीगत ११ करोड ५७ लाख २८ हजार, विशेष अनुदान दु करोड, सम्पुरक अनुदान एक करोड ५० लाख, राजश्व बाडफाँड से १२ करोड तीन लाख प्राप्त होई बतावले रहनी ।
प्रदेश के शसर्त अनुदान ९५ लाख, विशेष अनुदान ३० लाख सम्पूरक अनुदान २० लाख राजश्व बाडफाड से ४० लाख आम्दानी होखेके नगर प्रमुख यादव जनकारी करावले रहनी । महागढीमाई नगरपालीका के आन्तरिक स्रोत से पाँच करोड आम्दानी होखी नगर प्रमुख यादव जानकारी करावले रहनी ।
आर्थिक बरीस २०८०÷८१ के समीक्षा करत २०८१÷८२ के नीति निर्माण कर के भौतिक विकास, शिक्षा, स्वास्थ्य, कृषि, पशु स्वास्थ्य, संस्कृति सम्पदा तथा पर्यटन, फुहर व्यवस्थापन तथा प्रदुषण नियन्त्रण, संस्थागत विकास तथा सुशासन, राजश्व तथा वित व्यवस्थापन, यातायात, कानुन तथा न्यायीक समिति, समाजिक विकास, खेलकुद, विकास तथा उधमशिलता प्रवद्र्धन लगायत के नीति बना के काम अगाडि बढावे के काम कईल जाई यादव बतावले रहनी ।
कार्जक्रम मे उपमेयर तारा देवी कानु, प्रमुख प्रशासकीय अधिकृत विजय कुशवाहा, राजनिति सल्लाहकार भैयाराम यादव लगायत के लोग आपन–आपन विचार राखले रहल रहनी ।