क्याम्पस प्रमुख हत्या प्रकरणः दु गो पेस्तोल सहित एक जने पकडईलें

बारा १८ असाढ

बारा के कलैयास्थित रामराजा बहुमुखी क्याम्पस के प्रमुख हरिभूषण कुशवाहा हत्या प्रकरण मे बारा पुलीस आउर एक जने के हथियार सहित नियन्त्रण मे लेहले बा । पकडाएवाला मे बारागढी गाँवपालिका–५ पथरा के ४२ बरीस के हरिन्दर महरा चमार रहल बाडन ।
चमार के पुलीस दु थान पेस्तोल आ एक थान गोली सहित मंगर के दिने नियन्त्रण मे लेहले बा । चमार उ पेस्तोल आपन बारी मे हलाके राखल पुलीस के कहनाम बा । जिल्ला प्रहरी कार्यालय बारा के प्रवक्ता एवम् प्रहरी नायब उपरीक्षक दधिराम न्यौपाने के मुताविक कुशवाहा के हत्या मे प्रयोग भईल हथियार लुकावे खातिर भूमिका खेलल आरोप मे चमार के पकडल गईल बा । चमार के बारी से कटुवा पेस्तोल एक थान, गोली लोड भईल अटोमेटिक पेस्तोल एक थान आ ओकर म्यागाजिन बरामद भईल न्यौपानेजानकारी देहनी ।
घटना के अनुसन्धान करेके समय मे प्रयोग भईल हथियार लुकावल स्थान खुलल पुलीस जनवले बा । आदर्श कोतवाल गाँवपालिका २ खजुरिया घर भईल कुशवाहा के जेठ ३२ गते उहे गाँवपालिका ३ बतरा मे गोली मारके हत्या कईल रहे ।
मोटरसाइकल मे कलैया ओरी आ रहल कुशवाहा के मोटरसाइकल मे आईल आदमी गोली प्रहार करके फरार भईल रहलन । गोली प्रहार करेके समय मे कुशवाहा आ उ आदमी बीच विवाद भी भईल रहे ।
कुछ समय के विवाद के बाद मोटरसाइकल के पछाडी बईठल आदमी कुशवाहा के गोली प्रहार कईल प्रत्यक्षदर्शी बतवले बाडन । आपना उपर गोली प्रहार भईला के बाद कुशवाहा पुलीस आ परिवार के घटनाबारे जानकारी करवले रहलन । उ समय मे कुशवाहा आपना उपर सुरेन्द्र कहेवाला आदमी गोली प्रहार कईल सूचना देहले रहलन ।
गोली लागके गम्भीर घायल भईल कुशवाहा के उहे दिन सँझिया ईलाज के समय मे बयोधा अस्पताल मे मृत्यु भईल रहे । कुशवाहा लम्हर समय से शिक्षण पेशा मे आवद्ध रहल रहलन । उनकर हत्या के कारण खुले सकल नईखे । पुलीस घटना के अनुसन्धान आ पुछपाछ के खातिर एकरा से पहिले सात जने के नियन्त्रण मे लेहले रहे । नियन्त्रण मे लेहल आदमी के घटना मे संलग्नता रहल ना रहल पुष्टि होखेके बाँकी रहल प्रहरी नायब उपरीक्षक न्यौपाने जानकारी देहनी । उ घटना के अनुसन्धान जारी रहल बतवनी ।