आउर ८,२४३ जने कोरोना संक्रमणमुक्त, ६८ जने के मृत्यु
काठमाण्डु २२ जेठ
पिछिलका २४ घण्टा मे देशभर ५ हजार ४२ जने कोरोना संक्रमित थपईला पर ८ हजार २४३ जने ठिक भईल बाडन । एहितरे कोरोना संक्रमण से आउर ६८ जने के मृत्यु भईल बा ।
स्वास्थ्य तथा जनसंख्या मन्त्रालय के मुताविक ११ हजार ४७१ नमुना के पीसीआर परीक्षण कईला पर ३ हजार ५४० आ ५ हजार ३४३ जने के एन्टिजेन परीक्षण कईला पर १ हजार ५०२ जने मे कोरोना भाइरस (कोभिड–१९) के संक्रमण पुष्टि भईल बा । एकरा सँगे नेपाल मे कोरोना संक्रमित के कुल संख्या ५ लाख ९८ हजार २०४ पुगल बा । जउना मेसे ४ लाख ८४ हजार ३७३ जने ठिक भईल बाडन आ ९२ हजार ९२८ जने सक्रिय संक्रमित बाडन ।
मन्त्रालय के मुताविक अभी देशभर रहल सक्रिय संक्रमित मेसे ८६ हजार २६८ जने होम आइसोलेसन मे रहल बाडन । एहितरे संस्थागत आइसोलेसन मे रहल ६ हजार ६६० जने संक्रमित मेसे १ हजार ४५१ जने के आईसीयू मे आ ३८४ जने के भेन्टिलेटर मे ईलाज हो रहल बा ।
काठमाण्डु उपत्यका मे ९२३, मोरङ मे २६८ जने संक्रमित थपईलें
पिछिलका २४ घण्टा मे थपाईल कोरोना संक्रमित मेसे ९२३ जने काठमाण्डु उपत्यका के बाडन । जउना मे काठमाण्डु के ७२३, ललितपुर के १४१ आ भक्तपुर के ७३ जने बाडन ।
मन्त्रालय के मुताविक काठमाण्डु के बाद मोरङ मे २६८ जने संक्रमित थपाईल बाडन । एहितरे झापा मे २४५, सुर्खेत मे १५४, कास्की मे १०८, धनुषा मे ९१, चितवन मे ८९, सुनसरी मे ८७ आ रुपन्देही मे आउर ७६ जने मे संक्रमण देखल गईल बा ।
नवलपरासी पूर्व मे ७३, रामेछाप मे ७२, रौतहट मे ७०, पाल्पा मे ६०, कैलाली मे ५५, महोत्तरी मे ५३, धादिङ मे ५२, अछाम मे ५१, नुवाकोट आ गुल्मी मे ४७÷४७, संखुवासभा मे ४६, सर्लाही मे ४६, दैलेख, दोलखा मे ३५ तथा खोटाङ मे ३४ जने कोरोना संक्रमित मिलल बाडन ।
एहितरे दाङ, बाँके, नवलपरासी आ तनहुँ मे ३३÷३३ जने, रोल्पा मे ३२ आ लमजुङ मे ३१ जने मे कोरोना भाइरस के संक्रमण पुष्टि भईल बा ।
