तिसरा मनहर्वा गोल्डकप सुरू आयोजक टिम सेमिफाइनल मे प्रवेश

प्रभु यादव

बारा १३ माघ

बारा के जितपुर सिमरा उपमहानगरपालिका वार्ड नम्वर १८ वडहर्वा मे तिसरका मनहर्वा गोल्डकप सुरू भईल बा । पहिलका दिन के खेल मे आयोजक मौवादेवी युवा क्लब नमस्ते युवा क्लव हरिवन के १–० के गोल अन्तर से हरा के सेमिफाइनल मे प्रवेश कईले बा ।

मौवादेवी खेल मैदान मे शनिचर के भईल पहिलका खेल मे आयोजक क्लव के रेशमराज माझी निर्णायक गोल कईले रहलन । निर्धारित ७० मिनेट के खेल मे माझी ३८ वां मिनेट मे हेडमार्फत गोल कईले रहलन । खेल के म्यान अफ दि म्याच आयोजक क्लब के आकाशबहादुर राना बनल बानी । राना के नगद दु हजार पाँच सय समिति पुरस्कार देहले बा ।

प्रतियोगिता अन्तर्गत एतवार के दिने रिगल हेटौडा रिसोर्ट आ रौतहट एफसी के खेल होई आयोजक जनकारी करावले बा । माघ २० गते तक आयोजना होखेवाला गोल्डकप के विजेता दु लाख आ उपविजेता के एक लाख नगद पुरस्कार देवेके आयोजक जनकारी करावले बा । गोल्डकप मे आठ टिम के सहभागिता रही ।