शिवरात्री के अवसर पर शिवालय सब मे भिड

प्रभु यादव

बारा २५ फागुन

बारा के शिवालय सब मे शिवरात्री के असर पर अधिक भिड रहल रहे । सहजनाथ महादेव काटघाट मे हजारी कफला के बोल बम कावर वला हजारी कफला दु हजार तीन सय करिब मे भारत के पटना रानीघाट से जल लेके आईल रहलन ।

काँवर लेके आईल लोग के घर से आईल सदस्य आ श्रद्धासुमन भईल लोग के पहुचला से सहजनाथ महादेव काटघाट मे अधिक भिड बढल रहे हजारी कफला के सरकार बैधनाथ चौधरी जानकारी करावले बानी । सहजनाथ महादेव के मेला देखे बारा, पर्सा, रौतहट, मकवानपुर आ विहार के दर्शनार्थी सब आवेलन कहके कफला सरकार चौधरी बतावले बानी ।

कलैया २ के लङ्गडा मठ मुक्तेश्वरनाथ महादेव, कलैया ३ भवानीपुर मे सिद्धेश्वरनाथ महादेव, मझरिया के महादेव स्थान आ सिम्रौनगढ के कंकाली स्थान मे रहल महादेव मन्दिर मे अधिक पवनी करेवाला जनानी लोग के भिड रहल रहे ।