वीरगंज भन्सारद्वारा आठ महिना मे करिब एक खरब राजस्व सङ्कलन

वीरगंज १५ चईत

देश के मुख्य व्यापारिक नाका वीरगंज भन्सार कार्यालय चालु आर्थिक बरीस २०८०÷८१ के आठ महिना के समय मे रु ९९ अरब ७१ करोड १७ लाख ४६ हजार राजस्व सङ्कलन कईले बा । सावन से फागुन मसान्त तक मे उ परिमाण मे राजस्व सङ्कलन भईल बा ।

वीरगंज भन्सार कार्यालय के प्रमुख भन्सार प्रशासक डिलाराम पन्थी चालु आव के आठ महिना के समय मे वार्षिक लक्ष्य के ४० दशमलव ५५ प्रतिशत मात्र राजस्व सङ्कलन भईल बतवनी । “विकास निर्माण लक्षित पुँजीगत खर्च होखेवाला समय अबगे सुरु भईला से भी चालु आव मे राजस्व सङ्कलन मे सुधार होखेके पर्याप्त सम्भावना रहल बा”, उ कहनी, “चालु आर्थिक बरीस मे वार्षिक लक्ष्य के कम्ती मे भी ७२ से ७५ प्रतिशत राजस्व सङ्कलन करेके लक्ष्य सहित काम कर रहल बानी ।”

भन्सार कार्यालय सरदर दैनिक रु ४० करोड के हाराहारी मे राजस्व सङ्कलन करेलन । कार्यालय खास करके १२ शीर्षक मे राजस्व सङ्कलन करत आईल प्रमुख भन्सार प्रशासक पन्थी बतवनी । ई अन्तर्गत भन्सार महसुल (आयात), मूल्यअभिवृद्धि कर, अन्तःशुल्क, अग्रिम आयकर, स्वास्थ्य जोखिम कर, पूर्वाधार कर, कृषि सुधार शुल्क, भन्सार सम्बन्धी आउर आय आ सडक मर्मत तथा सुधार दस्तुर, सडक निर्माण तथा सम्भार दस्तुर आ विलासिता शुल्क उठावत आईल बा । भन्सार विभाग चालु आव मे कार्यालय के रु दु खरब ४५ अरब ८८ करोड ५० लाख ८२ हजार राजस्व सङ्कलन करेके लक्ष्य देहले बा ।

प्रमुख भन्सार प्रशासक पन्थी के मुताविक सावन मे रु ११ अरब ८६ करोड राजस्व सङ्कलन भईल बा । भादो मे रु १२ अरब ७१ करोड, कुवार मे रु १४ अरब २७ करोड, कातिक मे रु १० अरब ३२ करोड, अगहन मे रु १२ अरब ८२ करोड, पुस मे रु १२ अरब ७४ करोड, माघ मे रु ११ अरब ८३ करोड तथा फागुन मे रु १३ अरब १३ करोड राजस्व सङ्कलन भईल बा ।

आव २०७९÷८० के आठ महिना के समय मे रु एक खरब ६८ अरब २३ करोड ८६ लाख ८५ हजार राजस्व सङ्कलन करेके लक्ष्य राखला मे रु एक खरब एक अरब ५३ करोड ८० लाख ७५ हजार राजस्व सङ्कलन कईल प्रमुख भन्सार प्रशासक पन्थी बतवनी ।

वीरगंज उद्योग वाणिज्य सङ्घ के अध्यक्ष अनिलकुमार अग्रवाल नेपाल के उद्योगधन्दा धरासायी अवस्था से गुजर रहला से भी पर्याप्त मात्रा मे उद्योग के जरुरी परेवाला कच्चापदार्थ आयात ना भईला से राजस्व घटल हो सकेके बतवनी ।

“सरकार उद्योगी व्यवसायी के प्रवद्र्धन करेवाला किसिम के नीति लियावल जरुरी बा”, उ कहनी ।

प्रमुख भन्सार प्रशासक पन्थी कहनी चालु आव मे भन्सार के राजस्व घटला मे विविध कारण भईल बतवनी । “चालु आव मे इन्धन से चलेवाला सवारी साधन के आयात बहुते घटल बा । आईल सवारीसाधन भी अधिकांश विद्युतीय सवारीसाधन भईला से राजस्व मे प्रत्यक्ष असर देखल गईल बा”, कहत उ, “कच्चा खानेतेल के आयात ६२ प्रतिशत से गिरावट आईल बा । एकरा साथे औद्योगिक क्षेत्र मे जरुरी परेवाला कच्चापदार्थ आ सुर्तीजन्य पदार्थ के आयात घटला से राजस्व सङ्कलन मे प्रत्यक्ष असर देखल गईल बा ।”

कार्यालय आव २०७८÷७९ मे रु दु खरब चार अरब राजस्व सङ्कलन कईले रहे । आव २०७९÷८० मे रु एक खरब ५७ अरब १५ करोड ४९ लाख २१ हजार सङ्कलन कईले रहे । एहितरे कार्यालय चालु आर्थिक बरीस के आठ महिना के समय मे रु ९९ अरब ७१ करोड राजस्व सङ्कलन कईले बा ।

राजस्व सङ्कलन मे वीरगंज भन्सार कार्यालय मात्र ना, समग्र मे सङ्घीय सरकार भी लक्ष्य मुताविक के राजस्व सङ्कलन करे सकल नईखे । महालेखा नियन्त्रक कार्यालय सार्वजनिक कईल २०८० चईत १४ गते तक के दैनिक बजेटरी तुलनात्मक विश्लेषण मुताविक राजस्व शीर्षक मे लक्ष्य के ४६ दशमलव ३५ प्रतिशत अर्थात् रु ६ रु खरब ५९ अरब ३४ करोड मात्र सङ्कलन भईल बा । सरकार चालु आर्थिक बरीस मे राजस्व शीर्षक मे रु १४ खरब २२ अरब ५४ करोड सङ्कलन करेके लक्ष्य रखले बा ।