प्राधिकरण पर्सा–बारा औद्योगिक करिडोर के २१२ उद्योग मे जडान कईलख टिओडी मिटर

वीरगंज ११ बैशाख

नेपाल विद्युत् प्राधिकरण वीरगंज वितरण केन्द्र पर्सा बारा औद्योगिक करिडोर के २ सय १२ उद्योग मे टिओडी (टाइम अफ डे) मिटर जडान कईले बा । केन्द्र प्रमुख अवधेश कुमार दुबे के मुताविक, प्राधिकरण उ उद्योग मे निःशुल्क मिटर जडान कईले बा ।
‘प्रति मिटर करिब ७३ हजार रोपेया लागत रहल ई मिटर प्राधिकरण निःशुल्क जडान कईले बा,’ कहत उ ‘प्राधिकरण आपन जरुरत देखके मिटर के मूल्य से भी एकर उपयोगिता के प्राथमिकता मे राखके ई पहल कईले बा ।’
ई मिटर जडान कईला के बाद प्राधिकरण के कार्यालय से उ उद्योग उपभोग कर रहल विद्युत के परिमाण यकिन करे सकेके दुबे बतवनी । ‘मिटर रिडिङ करे खातिर प्राधिकरण के जनशक्ति अब उ उद्योग परिसर मे पुगेके ना पडि,’ कहत उ ‘प्राधिकरण अनलाइन प्रणाली से उ उद्योग उपभोग कर रहल विद्युत के गुणस्तर आ परिमाण अनुगमन कईला के साथे कार्यालय से अनलाइन बिल भी जारी कर रहल बा ।’
ई मिटर प्रणाली जडान कईला के बाद महिना के अन्त्य भईल मध्यरात १२ बजे स्वचालित रुप मे सम्बन्धित उद्योगसब के मिटर रिडिङ होके बिल जारी होखी । ‘एकरा से एक ओरी प्राधिकरण के जनशक्ति भार कम भईल,’ कहत दुबे, ‘दोसर ओरी उपभोक्ता महिना के ठ्याक्के अन्त्य मे खुद से उपभोग कईल विद्युत के वास्तविक परिमाण आ उ आधार मे जारी भईल बिल भी मिली ।’
एकरा साथे प्राधिकरण के लोड डिस्प्याच सेन्टर से केन्द्र से टिओडी मिटर जडान कईल उद्योगसब से खपत कर रहल विद्युत के गुणस्तर आ परिमाणबारे भी जानकारी मिलेके दुबे बतवनी । ‘काठमाण्डु के कलंकी मे रहल सेन्टर उहाँ से विद्युत आपूर्ति आ खपतबीच के तालमेल मिलावेके काम भी सहजता के साथ कर सकता,’ कहत उ, ‘समग्र मे विद्युत के माग आ खपत अत्यधिक रहल समय मे कउनो उद्योग से निर्धारित से बेसी विद्युत् खपत कर रहल आ ओकरा से विद्युत प्रणाली मे असर करेवाला अवस्था के यकिन करके सेन्टर केन्द्र से निर्देशन देके सचेत भी कर सकता ।’