तस्करी के चाँदी सहित वीरगंज मे युवक पकडईलें

वीरगंज २३ बैशाख

भारत से तस्करी के चाँनी लेके वीरगंज आरहल युवक के पुलीस पकडले बा । पकडाएवाला मे बारा के फेटा गाँवपालिका–३ के २० बरीस के रोशन सोनार रहल बाडन ।
विशेष सूचना के आधार मे पुलीस चौकी इनर्वा से खटल प्रहरी टोली वीरगंज महानगरपालिका–१६ रजतजयन्ति चोक से सोनार के पुलीस चाँनी के अनेकन गहना सहित पकडले बा ।
रजतजयन्ति चोक मे पुलीस सोनार के रोकके उनकर देह खानतलासी कईला पर उ राखल गम्छा मे पोका पारके राखल २ किलो १७३ ग्राम चाँनी के अनेकन गहना बरामद भईल प्रहरी चौकी इनर्वा के प्रहरी नायब निरीक्षक तेजप्रताप सिंह जानकारी देहनी । चाँनी सहित पकडाईल सोनार के जरुरी कारबाही के खातिर एतवार के दिने वीरगंज भन्सार कार्यालय बुझावल गईल पर्सा के प्रहरी नायब उपरक्षिक कुमार विक्रम थापा जानकारी देहनी ।