बहिन के हत्या करेवाला भाई पकडईलन

रौतहट ११ असाढ

रौतहट के परोहा नगरपालिका मे बहिन के हत्या करके फरार एक युवक के पुलीस पकडले बा । परोहा नगरपालिका–८ नरकटिया के २० बरीस के तेतरीकुमारी राम के हत्या के आरोप मे दाजु दीपेन्द्रकुमार राम के पकडल गईल जिल्ला प्रहरी कार्यालय के डीएसपी एलिजा गिरी जानकारी देहनी ।
घरायसी विवाद मे भाई बहिन उपर एतवार के सँझिया फाँटा से मारके हत्या कईले रहलन । उनका के पुलीस पकडके सोमार के दिने अदालत से म्याद थपले बा ।
घरायसी विवाद मे आवेग मे आके दीपेन्द्र बहिन तेतरी उपर बाँस के फाँटा से मारला पर गम्भीर घायल भईल रहनी । उनकर मुडि मे चोट लागल रहे । ईलाज के समय मे वीरगंज मे तेतरी के मृत्यु भईल पुलीस जनवले बा ।