नव नालंदा महाविहार के कुलपति प्रो. सिद्धार्थ सिंह के ‘बौद्ध संस्कृति संवर्धन पुरस्कार’ के घोसणा

नव नालंदा महाविहार ,नालंदा ( संस्कृति मंत्रालय, भारत सरकार ) के कुलपति प्रोफेसर सिद्धार्थ सिंह के उत्तर प्रदेश सरकार के प्रतिष्ठित ‘बौद्ध संस्कृति संवर्धन पुरस्कार’ से सम्मानित करे के घोसणा भइल बा। ई पुरस्कार उन्हें गणतंत्र दिवस २०२६ के अवसर पर राजभवन, लखनऊ में उत्तर प्रदेश के राज्यपाल श्रीमती आनंदीबेन पटेल के हाथे दिहल जाई।

ई सम्मान बौद्ध संस्कृति आ बौद्ध अध्ययन के क्षेत्र में लमहर समय से कइल गइल महत्त्वपूर्ण आ समर्पित योगदान खातिर दिहल जाला। पुरस्कार के साथे ₹ ५१००० के नकद राशि प्रदान कइल जाई।

प्रोफेसर सिद्धार्थ सिंह बनारस हिंदू विश्वविद्यालय (बीएचयू) के पालि आ बौद्ध अध्ययन विभाग में वरिष्ठ प्राध्यापक रह चुकल बानी। ऊ २०१८ से २०२२ ले जापान स्थित भारतीय दूतावास, टोक्यो में डायरेक्टर, इंडियन कल्चरल सेंटर के रूप में काम कइनी, जहाँ भारत-जापान के सांस्कृतिक संबंध आ सॉफ्ट-डिप्लोमेसी के मजबूत करे में उनका उल्लेखनीय भूमिका रहल।

एकरे पहिलहूं प्रोफेसर सिद्धार्थ सिंह के कई गो प्रतिष्ठित राष्ट्रीय आ अंतरराष्ट्रीय सम्मान मिल चुकल बा, जेमे जापान फाउंडेशन फेलोशिप (२००३-०४), फुलब्राइट सीनियर रिसर्च फेलोशिप, अमेरिका (२०११-१२) आ वादरायण व्यास राष्ट्रपति पुरस्कार (२००५) प्रमुख बा।
प्रोफेसर सिद्धार्थ सिंह स्वीडन के उप्साला यूनिवर्सिटी (ICCR चेयर, २०१४-१५), कार्लस्टैड यूनिवर्सिटी आ हैदराबाद विश्वविद्यालय में विज़िटिंग प्रोफेसर रह चुकल बानी। अबले ऊ चार गो महत्त्वपूर्ण किताब लिख चुकल बानी आ हिंदी, अंग्रेज़ी आ जापानी भाषा में ८० से अधिक शोध-पत्र प्रकाशित कइनी। उनका व्याख्यान भारत के अलावा अमेरिका, जापान, चीन, स्वीडन, थाईलैंड, श्रीलंका, म्यांमार, वियतनाम आ नेपाल जइसन कई गो देशन में भइल बा।

उनकर प्रमुख शोध-रुचि में बौद्ध धर्म के अनुप्रयुक्त पक्ष, पालि-संस्कृत साहित्य, भारतीय संस्कृति, विश्व धर्म आ दर्शन आ जापानी बौद्ध परंपरा शामिल बा।

एह सम्मान के घोषणा से नव नालंदा महाविहार आ बौद्ध अध्ययन के क्षेत्र में हर्ष आ गौरव के माहौल बा। ई उपलब्धि नालंदा के बौद्धिक परंपरा के राष्ट्रीय आ अंतरराष्ट्रीय स्तर पर अउरी मजबूती आ प्रतिष्ठा देवे वाली मानल जा रहल बा।