सहरसा घटनाको विरोधमा अररियाका पत्रकारहरूद्वारा विरोध मार्च

अररिया २ असोज 

सहरसामा प्रभात खबर डिजिटलका पत्रकारमाथि दुर्व्यवहार र कुटपिट भएको घटनाको विरोधमा जिल्ला पत्रकार संघ अररियाले बिहीबार प्रेस भवनमा बैठक गरी विरोध मार्च निकालेको छ।

अध्यक्ष राकेश कुमार उर्फ मन्टु भगतको अध्यक्षतामा बसेको बैठकमा देशभर पत्रकारहरूमाथि भइरहेको दुर्व्यवहार र आक्रमणको कडा निन्दा गर्दै पत्रकारहरूको सुरक्षा र गरिमाका लागि कडा कानुनी व्यवस्था माग गरिएको छ।

बैठकपछि प्रेस भवनदेखि काली मन्दिर, चाँदनी चौक हुँदै समाहरणालयसम्म विरोध मार्च निकालेर सदर एसडीओ र एडीपीओलाई ज्ञापन पत्र बुझाइएको थियो। ज्ञापनमा सहरसा घटनाको निष्पक्ष छानबिन र दोषीमाथि कारबाहीको माग गरिएको छ।

कार्यक्रममा अमरेन्द्र सिंह, मृगेन्द्र मणि सिंह, चन्दन कुमार लालू, ज्योतिष झा, फुलेन्द्र मल्लिक लगायत जिल्लाका पत्रकारहरूको उपस्थिति थियो।