प्रदेश २ मे ८२ जने मे कोरोना संक्रमण पुष्टि
वीरगंज १९ जेठ
प्रदेश २ मे आउर ८२ जने मे कोरोना भाइरस के संक्रमण पुष्टि भईल बा । ई सँगे प्रदेश मे संक्रमित के संख्या ६ सय ९५ पुगल बा ।
विपी कोइराला स्वास्थ्य विज्ञान प्रतिष्ठान धरान, राष्ट्रिय जनस्वास्थ्य प्रयोगशाला टेकु आ धुलिखेल अस्पताल मे कईल पीसीआर विधि के परीक्षण मे ८२ जने मे कोरोना संक्रमण पुष्टि भईल प्रदेश २ के सामाजिक विकास मन्त्रालय जनवले बा ।
धरान मे कईल परीक्षण मे सप्तरी के राजगढ गाँवपालिका के १२ जने पुरुष मे कोरोना संक्रमण देखल गईल बा ।
काठमाण्डु राष्ट्रिय जनस्वास्थ्य प्रयोगशाला मे कईल परीक्षण के समय मे सिराहा के सूर्यनारायाण मरवैता क्याम्पस क्वारेन्टिन के ५ जने, धनुषा के धनौजी शंकर मावि क्वारेन्टिन के ४ जने, प्रादेशिक अस्पताल जनकपुर मे १ जने आ हसंपुर नगरपालिका के २ जने पुरुष मे संक्रमण पुष्टि भईल बा ।
एहितरे महोत्तरी के लोहरपट्टी नगरपालिका क्वारेन्टिन के २ जने पुरुष, सर्लाही के जनता मावि अगरवा क्वारेन्टिन मे ३२ जने, कविलासी नगरपालिका ४ जने आ हरिपुर नगरपालिका २ जने मे संक्रमण देखल गईल बा । जउना मेसे ३ जने जनानी बाडि ।
धुलिखेल अस्पताल मे कईल परीक्षण मे रौतहट के परोहा नगरपालिका के १४ जने आ यमुनामाई गाँवपालिकास्थित क्वारेन्टिन के ४ जने के रिपोर्ट पोजेटिभ आईल बा ।
प्रदेश २ मे ९९ जने संक्रमित ईलाज के बाद ठिक होके घर फिर्ता गईल बाडन ।
