बारा के कोरोना संक्रमित के वीरगंज मे मृत्यु
वीरगंज १० बैशाख
वीरगंज मे बारा के एक कोरोना संक्रमित के मृत्यु भईल बा । बारा के जीतपुसिमरा उपमहानगरपालिका–७ रहेवाला ४० बरीस के पुरूष के मृत्यु भईल बा ।
नारायणी अस्पताल स्थित आइसोलेसन वार्ड मे ईलाज के समय मे दुपहरिया साँढे ४ बजे उनकर मृत्यु भईल कोभिड संयोजक डाक्टर सरोज रोशन दास जानकारी देहनी । स्वास प्रस्वास मे देखल गईल समस्या जटिल भईला के बाद उनका के भेन्टिलेटर मे राखल गईल रहे ।
स्वास्थ्य मे समस्या भईला के बाद बैशाख ६ गते उनका के ईलाज के खातिर नारायणी अस्पताल मे लियावल गईल रहे । नारायणी अस्पताल के पीसीआर प्रयोगशाला मे कईल परीक्षण के समय मे बैशाख ८ गते उनका कोरोना संक्रमण पुष्टि भईल रहे ।
