बारा जिल्ला बचत तथा ऋण सहकारी संघ के १२ वां बार्षिक साधारण सभा पुरा

प्रभु यादव

बारा १० पुस

बारा के महागढीमाई नगरपालिका वार्ड नम्वर २ गढीमाई ट्रष्ट के धर्मशाला मे बारा जिल्ला बचत तथा ऋण सहकारी संघ लिमिटेड के १२ वां वार्षिक साभारण सभा सम्पन्न भईल बा ।

कार्जक्रम मे बारा जिल्ला बचत तथा ऋण सहकारी संघ के अध्यक्ष सत्येन्द्र ठाकुर संचालक समिति के प्रतिवेदन प्रस्तुत करत १४ संस्था से एक लाख ६० हजार शेयर पुजी संकलन करत १२ लाख ३४ हजार पुगल जनकारी करावले बानी । आवेवाला दिन मे पाँच करोड से अधिक कारोवार बार्षिक करेवाला संस्था से २० हजार शेयर पुजी मे वृद्धि करे के अध्यक्ष ठाकुर जनकारी करावले रहनी ।

आर्थिक वरिस २०७६÷०७७ के एक लाख ५८ हजार आठ सय ५९ रोपेया ५९ पईसा के घाटा बेहोर के आव २०७७÷०७८ मे पाँच हजार एक सय २० रोपेया दु पईसा नाफा कईल अध्यक्ष ठाकुर जनकारी करावले रहनी । संघ के लेखा संयोजक शोभा राउत बार्षक आय व्यय प्रस्तुत करत गत वरीस के ६७ लाख १४ हजार दु सय ६७ रोपेया २८ पईसा आ २०७७÷७८ के ८३ लाख ७८ हजार १७ रोपेया १९ पईसा के कारोवार जनकारी करावले रहनी ।

लेखा तथा सुपरिवेक्षण समिति के प्रतिवेदन संयोजक निवेश कुमार तिमिल्सिना कईले रहनी । अध्यक्ष ठाकुर के सभापतित्व मे भईल कार्जक्रम मे प्रमुख अतिथि डिवी बस्नेत, विशिष्ट अतिथी नेस्फुन के दिपक पनेरू, बारा जिल्ला समन्वय समिति के उपसंयोजक पवन व्याहुत, महागढीमाई नगरपालिका के मेयर उपेन्द्र यादव, गढीमाई ट्रष्ट के अध्यक्ष रामचन्द्र साह, महागढीमाई नपा वार्ड नम्बर २ के अध्यक्ष सुदामा साह कानु, श्याम चौधरी, गौतम साह लगायत के अतिथि सहभागी रहल रहलन ।

कार्जक्रम के संचालन राजु अधिकारी आ स्वागत गिता साह कईले रहनी ।