श्रीनिधि साकोस के १० वाँ बार्षिक साधारण सभा
वीरगंज २४ पुस
श्रीनिधि बचत तथा ऋण सहकारी संस्था लि. वीरगंज के १० वाँ बार्षिक साधारण सभा आजु पुरा भईल बा । वीरगंज नगर सभा गृह मे भईल साधारण सभा के उदघाटन प्रदेश २ के भुमी ब्यवस्था, कृषि तथा सहकारी मन्त्री बिजय कुमार यादव कईले रहनी ।
उदघाटन समारोह के सम्बोधन करत मन्त्री यादव सहकारी ऐन संशोधन करे खातिर खुदसब तइयार रहल बतवनी । उ सहकारीकर्मी के सल्लाह आ जरुरत मुताविक के सहकारी ऐन मे संशोधन करेके प्रतिवद्धता जनवनी ।
सहकारी संस्था के अध्यक्ष प्रेम चुरामणी आचार्य के अध्यक्षता मे भईल उदघाटन समारोह मे प्रदेश सभा सदस्य करिमा बेग्म, वीरगंज महानगरपालिका के उप मेयर शान्ति कार्की, पर्साका प्रमुख जिल्ला अधिकारी उमेश ढकाल, प्रहरी उपरिक्षक रमेश बस्नेत, सशस्त्र प्रहरी उपरिक्षक राजेन्द्र खड्का, वीरगंज आर्मी ब्यारक के गणपती मनोज कार्की, जिल्ला बचत तथा ऋण सहकारी संघ के अध्यक्ष राजेश पण्डित, हरि गौतम, डा. सुरेन्द्र चौरसिया, वार्ड अध्यक्ष धुर्व नेपाल, अधिवक्ता ओमप्रकाश गुप्ता लगायत के सहभागीता रहल रहे ।
कार्जक्रम मे सहकारी संस्थाका के आर्थिक प्रतिवेदन संस्था के प्रमुख कार्यकारी निर्देशक चन्देशवर चौरसिया प्रस्तुत कईले रहनी ।
