करिब डेढ करोड के सामान सहित दु गो ट्रक पकडाईल

वीरगंज २९ माघ

पर्सा पुलीस वीरगंज से भन्सार राजश्व ना तिरल आशंका मे १ करोड ३९ लाख से बेसी के सामान सहित दु गो मालवाहक ट्रक नियन्त्रण मे लेहले बा ।

दवाई, लत्ताकपडा तथा आउर खुद्रा सामान लाद के वीरगंज से भैरहवा आ झापा ओरी जा रहल दु गो ट्रक पुलीस पकडले बा । पर्सा के प्रहरी प्रवक्ता तथा प्रहरी नायब उपरीक्षक कुमार विक्रम थापा के मुताविक वीरगंज से भैरहवा ओरी जा रहल ना ५ ख ८५६५ नम्बर के मालवाहक ट्रक वीरगंज २१ परवानीपुर मे पुलीस रोकके चेकजाँच कईले रहे ।

उ समय मे ट्रक से बिलबिजक शंकास्पद रहल ७० लाख ४३ हजार ७०५ रोपेया बराबर के सामान मिलला के बाद नियन्त्रण मे लेहल गईल प्रहरी नायब उपरीक्षक थापा जानकारी देहनी । एहितरे वीरगंज से दोसर मालवाहक ट्रक भी नियन्त्रण मे लेहल गईल थापा बतवनी । उनका मुताविक वीरगंज से झापा ओरी जा रहल प्रदेश १–०१–००१ ख ३९१५ नम्बर के ट्रक वीरगंज–१४ गण्डक चोक मे पुलीस रोकके चेकजाँच कईला पर उ ट्रक से भी बिलबिजक शंकास्पद रहल ६९ लाख १५ हजार १६९ रोपेया बराबर के लत्ताकपडा तथा दवाई बरामद कईल थापा बतवनी ।

नियन्त्रण मे लेहल गईल दुनु मालवाहक ट्रक के जरुरी अनुसन्धान आ कारबाही के खातिर राजस्व अनुसन्धान कार्यालय पथलैया बारा मे बुझावल गईल थापा जानकारी देहनी ।