रौतहट क्रिकेट संघद्धारा पालिका स्तरिय क्रिकेट के आयोजना

मेवालाल यादव

रौतहट २३ फागुन

रौतहट जिल्ला मे रहल १८ गो पालिका के प्रतिनिधित्व सहित रौतहट क्रिकेट संघद्वारा पालिका कप के पहिलका संस्करण इहे २६ गते से सुरु करे जा रहल जनवले बा ।

रौतहट क्रिकेट संघद्वारा बुध के दिने गौर मे आयोजना कईल पत्रकार सम्मेलन मे संघ के अध्यक्ष पवन साह पालिका कप के पहिलका संस्करण इहे २६ गते से सुरु होखे जा रहल जउना मे १८ गो स्थानीय तह के १८ टिम के सहभागिता होखेके बतवनी ।

समुह ए, वि, सि, डि, ई आ एफ समुह निर्माण कईल बा । हरेक समुह मे तीन टिम समावेश कईल बतावत अध्यक्ष साह गोला प्रथाद्वारा समुह मे निर्धारण कईल बतवनी । पालिका के क्याप्टेन एवं प्रतिनिधि गोला उठाके ग्रुप चयन कईला पर भी कुछ पालिका के प्रतिनिधि उपस्थित ना भईला से सञ्चारकर्मी से उठवाके समुह मे विभाजन कईल बतवनी ।

विभाजित ग्रुप अनुसार समुह (ए) मे गौर, मौलापुर आ गुजरा, समुह (बी) मे गरुडा, फतुवा विजयपुर आ माधवनारायण, समुह (सि) मे यमुनामाई, परोहा आ बृन्दावन, समुह (डि) मे गढीमाई, राजदेवी आ बौधिमाई समुह (ई) मे कटहरिया, इशनाथ आ राजपुर तथा समुह (एफ) मे चन्द्रपुर, देवाही आ दुर्गा भगवती परल रौतहट क्रिकेट संघ के कोषाध्यक्ष विकास विक्रान्त नेपाल (पालु) बतवनी ।

वियफे के दिने २ बजे तक टाई लिष्ट प्रकाशन होखेके भईला से समय मे आके आपन आपन प्रतिभा देखावे खातिर निहोरा कईनी । पालिका कप के फाइनल खेल डे नाईट होखेवाला भईला से एकरा के आउर रोमञ्चकारी बनावे खातिर दर्शकलोग के ओतनेही उत्साह रहल बतवनी । आइसिसी के नियमानुसार नेपाल क्रिकेट संघ के अवधारणा मुताविक हि पालिका कप होखेवाला भईला से सभ्यता के परिचय देके आपन ठाँव के नाम उपर करे खातिर निहोरा कईले रहनी ।