मकवानपुरमा सुमो दुर्घटना : १० जना घाइते, तीनको अवस्था गम्भीर

हेटौंडा १९ साउन

हेटौंडा–काठमाडौं जोड्ने छोटो दुरीको सडकखण्ड भीमफेदी कुलेखानी खण्डको सिस्नेरी मा आज बिहान सुमो दुर्घटना हुँदा १० जना घाइते भएका छन्। काठमाडौंबाट बिरगन्ज तर्फ आउँदै गरेको मधेश प्रदेश ०३–००१ ज ०३६२ नम्बरको सुमो आफैं अनियन्त्रित भइ दुर्घटना हुँदा सुमोमा सवार १० जना घाइते भएको जिल्ला प्रहरी कार्यालय मकवानपुरका प्रहरी निरीक्षक ओम पण्डितले जानकारी दिए।

प्रहरी निरीक्षक पण्डितका अनुसार घाइतेमध्ये तीन जनाको अवस्था गम्भीर रहेको छ भने ७ जनाको अवस्था मध्यम रहेको छ। उनीहरूलाई उपचारको लागि काठमाडौंतर्फ पठाइएको प्रहरी निरीक्षक पण्डितले बताए। संभार: अनपुर्णा पोष्ट