पर्सा मे १२५ जने लगवलें कोरोना खोप
वीरगंज १४ माघ
पर्सा मे पहिलका दिन १ सय २५ जने कोरोना भाइरस (कोभिड–१९) विरुद्ध के खोप लेहले बाडन ।
वीरगंजस्थित नारायणी अस्पताल मे स्थापना कईल जिल्ला के एक मात्र खोप केन्द्र मे पहिलका दिन अस्पताल के स्वास्थ्यकर्मी, कर्मचारी, सफाइकर्मी, एम्बुलेन्स चालक करके १२५ जने के खोप लगावल गईल जिल्ला स्वास्थ्य कार्यालय पर्सा के प्रमुख कामेश्वर चौरसिया जानकारी देहनी ।
प्रदेश २ के मुख्यमन्त्री लालबाबु राउतले खोप केन्द्र के उदघाटन कईला सँगे नारायणी अस्पताल के नर्स हेमा थापा पहिलका खोप लगाके खोप अभियान के शुभारम्भ कईले रहनी ।
ओकरा बाद अस्पताल के मेडिकल सुपरिटेन्डेन्ट(मेसु) डा. संजय ठाकुर, डा. निरज सिंह, डा. सरोज सिंह, डा. जेपी जयसवाल, डा. राकेश साह, डा. मोनिका सिंह यादव, डा. विजयराज खनाल यादव लगायत के चिकित्सक के साथे अस्पताल के कर्मचारी खोप लगवले बाडन ।
पहिलका चरण के खोप अभियान ५ दिन तक चलेके चौरसिया जानकारी देहनी । उनका मुताविक पहिलका चरण मे जिल्ला के फुहरमैला व्यवस्थापन मे खटेवाला सफाइकर्मी तथा चालक, एम्बुलेन्स तथा शववाहन चालक, सहचालक, प्रत्यक्ष ईलाज के सेवा देवेके भा खोप व्यवस्थापन मे खटेवाला स्वास्थ्यकर्मी, खोप केन्द्र मे खटेवाला सुरक्षाकर्मी तथा स्वयंसेवक, शव व्यवस्थापन मे खटेवाला आदमी, स्वास्थ्य स्वयंसेविका, अन्तर्राष्ट्रिय प्रवेशविन्दु मे कार्यरत स्वास्थ्यकर्मी र आउर कर्मचारी, वृद्धाश्रम के आदमी तथा देखभाल मे खटेवाला कर्मचारी एवं कारागार के कैदी आ सुरक्षाकर्मी के खोप देहल जाई ।
स्वास्थ्य मन्त्रालय के खोप व्यवस्थापन महाशाखा पहिलका चरण मे पर्सा जिल्ला के खातिर ५ हजार २ सय डोज खोप उपलब्ध करवले बा ।
