प्रदेश नं २ के विकास खर्च निराशजनकः ११ महिना मे करिब ३० प्रतिशत

धनुषा, ९ असाढ

कोभिड–१९ सङ्क्रमण के चलते पूर्वाधार निर्माण के काम ठप्प भईला पर प्रदेश नं २ मे चालू आर्थिक बरीस के ११ महिना मे करिब ३० प्रतिशतमात्र विकास खर्च (पुँजीगत खर्च) भईल बा ।

चालू आर्थिक बरीसके खातिर प्रदेश सरकार से कूल रु १९ अरब १९ करोड ८ लाख १८ हजार पुँजीगत बजेट विनियोजन कईले रहे । उ मेसे चालू आर्थिक बरीस के ११ महिना मे सरकार कूल रु ५ अरब ६८ करोड ६५ लाख मात्र खर्च करे सकल बा । ई कूल पुँजीगत खर्च के २९.८० प्रतिशत ह ।

प्रदेश लेखा नियन्त्रण कार्यालय जनकपुरधाम के मुताविक नियमित अर्थात् चालू खर्च ओरी सरकार रु १३ अरब ३३ करोड ६९ लाख १६ हजार बजेट विनियोजन कईला मे उ समय मे रु ४ अरब ९६ करोड ९२ लाख मात्र खर्च भईल बा । ई कूल चालू खर्च के ३७.२५ प्रतिशत रहल प्रदेश लेखा नियन्त्रण कार्यालय के लेखा अधिकृत मनोज कुमार झा जानकारी देहनी ।

कार्यालय के मुताविक ई समय मे सबसे बेसी भौतिक पूर्वाधार विकास मन्त्रालय खर्च कईले बा । मन्त्रालय से विनियोजित कूल बजेट के ४१.१४ प्रतिशत खर्च कईले बा । मन्त्रालय से विनियोजित बजेट के चालू ओरी रु ३५ करोड ६० लाख ८१ हजार आ पुँजीगत ओरी रु ३ अरब ४७ करोड ३ लाख ४५ हजार खर्च कईले बा ।

एहितरे भूमि व्यवस्था, कृषि तथा सहकारी मन्त्रालय उ समय मे सबसे कम अर्थात् १३.८ प्रतिशत मात्र बजेट खर्च करे सकल बा । उ समय मे चालू ओरी रु ३४ करोड १० लाख ६१ हजार आ पुँजीगत ओरी रु ११ करोड १४ लाख ८४ हजार खर्च कईल प्रदेश लेखा नियन्त्रण कार्यालय जनवले बा ।

एहितरे चालू आर्थिक बरीस के ११ महिना मे आर्थिक मामिला तथा योजना मन्त्रालय से विनियोजित कूल बजेट के ३६.३५ प्रतिशत बजेट खर्च कईले बा । मन्त्रालय उ समय मे चालू ओरी रु ७ करोड ६ लाख ८६ हजार आ पुँजीगत ओरी रु १ करोड ८० लाख १० हजार खर्च कईले बा ।

उद्योग, पर्यटन, वन तथा वातावरण मन्त्रालय उ समय मे ३२.८ प्रतिशत बजेट खर्च कईले बा । उ मेसे चालू ओरी रु ६६ करोड ४३ लाख ४८ हजार आ पुँजीगत ओरी रु ४० करोड ५४ लाख ६० हजार करके रु एक अरब ६ करोड ९८ लाख ९ हजार खर्च कईले बा ।

एहितरे चालू आर्थिक बरीस के ११ महिना मे सामाजिक विकास मन्त्रालय चालू ओरी रु एक अरब ५२ करोड २१ लाख आ पुँजीगत ओरी रु ५८ करोड चार लाख एक हजार करके कूल रु दु अरब आठ करोड २५ लाख खर्च कईले बा । एहितरे मुख्यमन्त्री तथा मन्त्रिपरिषद् के कार्यालय उ समय मे २४.२४ प्रतिशत बजेट खर्च कईले बा ।

उ मेसे चालू ओरी रु २० करोड आ पुँजीगत ओरी रु ९२ करोड ७८ लाख ७८ करके कूल रु एक अरब १२ करोड २४ लाख खर्च कईल लेखा अधिकृत झा जानकारी देहनी । उनका मुताविक आन्तरिक मामिला तथा कानून मन्त्रालय चालू ओरी रु १० करोड ७ लाख ५३ हजार आ पुँजीगत ओरी रु १७ करोड १३ लाख ४१ हजार खर्च कईले बा ।

प्रदेश सरकार चालू आर्थिक बरीस के ११ महिना मे कूल रु १० अरब ६५ करोड ५७ लाख खर्च कईले बा । ई कूल बजेट के ३१.४७ प्रतिशत रहल प्रदेश लेखा नियन्त्रण कार्यालय जनवले बा ।