सप्तरी घटना मधेश के प्रदेश मामिला समिति छानबिन करी

जनकपुरधाम २१ जेठ

सप्तरी के राजविराज मे कृषि विश्व विद्यालय के भवन शिलान्यास के समय मे बितल ८ माघ २०८० मे भईल घटना मधेश प्रदेशसभा के प्रदेश मामिला समिति से छानबिन करेके भईल बा ।
उपेन्द्र यादव उ भवन के शिलान्यास कईल कार्जक्रम मे जनमत पार्टी के कार्यकर्ता विरोध जनईला पर तत्कालिन शिक्षामन्त्री तथा जनमत के सांसद महेशप्रसाद यादव उपर पुलीस बल प्रयोग कईले रहे ।
जनमत पार्टी उ घटना के संसदीय छानबिन करेके माग करत आईल रहे । सोमार के प्रदेशसभा बईठक मे सभामुख रामचन्द्र मण्डल उ घटना छानबिन के जिम्मा प्रदेश मामिला समिति के देहल जानकारी करवनी । बितल वैशाख ४ गते चउथका बेर मुख्यमन्त्री सरोजकुमार यादव विश्वास के मत लेवेके समय प्रदेशसभा मे भईल तोडफोड घटना भी उहे समिति छानबिन करेके भईल बा । सोमार के दिने बईठल मधेश प्रदेशसभा के तिसरका अधिवेशन के पहिलका बईठक भी जनमत अवरुद्ध कईला के बाद सभामुख १० मिनेट के खातिर स्थगित कईले रहलन ।
ओकरा बाद दुनु घटना के छानबिन प्रदेश मामिला समिति मार्फत करे खातिर दलसब सहमत र्भल बाडन । एकरा सँगे मधेश प्रदेश सभा के गतिरोध हटल बा ।
मधेश प्रदेशसभा मे एकीकृत समाजवादी के नेता रत्नेश्वर गोइत सभापति रहल प्रदेश मामिला समिति बा । ई समिति मे कउनो दल के प्रतिनिधि ना रहला मे समावेश करेके सभामुख मण्डल बतवनी ।