दुसरका वीरगंज गोल्डकप के उपाधी नेपाल पुलिस क्लब के मिलल

वीरगंज २४ फागुन

दुसरका वीरगंज गोल्डकप फुटबल प्रतियोगीता के उपाधी विभागीय टोली नेपाल पुलिस क्लब जितल बा । आर्दशनगर रंगशाला मे शनिचर के दिने भईल खेल मे टाईब्रकेर मे नेपाल पुलिस क्लब ३–० गोलअन्तर से मच्छिन्द्र फुटबल क्लब के हरवले रहे ।

खेल के सुरु मे हाबि देखल गईल मच्छिन्द्र फुटबल क्लब दुसरका हाफ मे कमजोर प्रदर्शन कईल देखल गईल रहे । खेल के पहिलका हाफ तक एक गोल से अग्रता बनावल मच्छिन्द्र दुसरका हाफ मे बराबरी मे पुगल रहे । खेल के ५८ वाँ मिनेट मे नेपाल पुलिस क्लब के खेलाडी बिकाश विक गोल कईले रहनी ।

खेल निर्धारित समय मे पुरा ना भईला पर टाईब्रेकर मे गईल रहे । टाईब्रेकर मे नेपाल पुलिस क्लब के कप्तान रामचन्द्र वाजी, खेलाडी संजीव लामा, गोलकिपर अमित टामाटा आ उज्जवल राई बल मरले रहलन । जउना मेसे राई से मारल बल पोष्ट से बाहर गईल रहे ।

एहितरे टाईब्रेकर मे मच्छिन्द्र के बिशाल तामाङ्ग, दिवाकर चौधरी आ समिरराज थोकर मरले रहलन । जउना मेसे तामाङ्ग आ चौधरी से मारल बल पोष्ट बाहर गईल रहे आ थोकर से मारल बल किपर रोकले रहलन ।

मधेस प्रदेश के सबसे बेसी धनराशि भईल दुसरका वीरगंज गोल्डकप प्रतियोगिता मे विजेता टोली नेपाल पुलिस क्लब नगद ११ लाख ११ हजार एक सय एघार रोपेया, ट्रफी, मेडल आ प्रमाणपत्र मिलल रहे ।

एहितरे उपविजेता मच्छिन्द्र फुटबल क्लब पाँच लाख ५५ हजार पाँच सय ५५ रोपेया नगद, ट्रफी, मेडल आ प्रमाणपत्र से पुरस्कृत कईल रहे । फाईनल खेल मे म्यान अफ दि म्याच मच्छिन्द्र के समिरराज थोकर भईल रहलन । उनका नगद १० हजार आ शिल्ड मिलल रहे ।

एहितरे उत्कृष्ट गोलकिपर नेपाल पुलिस के गोलकिपर अमित टामाटा घोषित भईलें आ उनका नगद २० हजार आ शिल्ड मिलल रहे ।

एहितरे उत्कृष्ट खेलाडी मे नेपाल पुलिस क्लब के कप्तान रामचन्द्र वाजी घोषित भईनी । उनका ईलेक्ट्रीक स्कुटी मिलल रहे आ उत्कृष्ट प्रशिक्षक नेपाल पुलिस क्लब के चेतन घिमिरे साबित भईलें । उनका नगद २० हजार आ शिल्ड मिलल रहे ।

प्रतियोगिता के समापन समारोह मे प्रमुख अतिथि वीरगंज महानगरपालिका के प्रमुख प्रशासकीय अधिकृत अरविन्द लाल कर्ण तथा विशिष्ट अतिथि पर्सा के प्रमुख जिल्ला अधिकारी गणेश अर्याल आ पर्सा के प्रहरी उपरीक्षक गौतम मिश्र उपाधि विजेता आ उपविजेता टिम के नगदराशी के पुरस्कार सहित ट्रफी आ मेडल प्रदान कईले रहलन ।