भारत–नेपाल मित्रताको प्रतीक : राजदेवीमा भारतीय सहयोगमा आधुनिक विद्यालय भवन निर्माण सुरु

वीरगञ्ज, २ जुन

नेपाल–भारत विकास सहकार्यअन्तर्गत रौतहटको राजदेवी नगरपालिका मा आधुनिक विद्यालय तथा पुस्तकालय भवन निर्माण कार्य सुरु गरिएको छ।

भारतको महावाणिज्य दूतावास, बीरगंज का महावाणिज्यदूत देवी सहाय मीना र भिखारी प्रसाद यादव ले संयुक्त रूपमा राजदेवी नगरपालिका–४ स्थित श्री प्राथमिक विद्यालय को नयाँ विद्यालय तथा पुस्तकालय भवनको शिलान्यास गरेका हुन्।
भारत सरकारको करिब २ करोड ८४ लाख रुपैयाँ (ने.रु. २८.४ मिलियन) आर्थिक सहयोगमा निर्माण हुन लागेको उक्त भवन शिक्षा क्षेत्रको पूर्वाधार सुधारका लागि महत्वपूर्ण मानिएको छ।

परियोजनाअन्तर्गत भर्याङसहितको दुई तल्ले भवन निर्माण गरिनेछ, जसमा आठ वटा कक्षा कोठा रहनेछन्। साथै छात्र–छात्राका लागि छुट्टाछुट्टै शौचालय, सेप्टिक ट्याङ्की, सोक पिट, ट्युबवेल, सरसफाइ तथा विद्युतीय सुविधा समेत समावेश गरिने जनाइएको छ।

यो परियोजना भारत सरकारको “उच्च प्रभाव सामुदायिक विकास परियोजना (HICDP)” अन्तर्गत सञ्चालन हुन लागेको हो। निर्माण कार्य राजदेवी नगरपालिका मार्फत कार्यान्वयन गरिनेछ।

कार्यक्रममा बोल्दै स्थानीय जनप्रतिनिधि तथा विद्यालय व्यवस्थापन पक्षले शिक्षा क्षेत्रमा भारत सरकारले पुर्‍याउँदै आएको सहयोगको प्रशंसा गरेका थिए। उनीहरूले नयाँ भवन निर्माणपछि विद्यार्थीहरूले सुरक्षित, व्यवस्थित र गुणस्तरीय शैक्षिक वातावरण पाउने विश्वास व्यक्त गरे।

नेपाल र भारतबीचको ऐतिहासिक तथा सांस्कृतिक सम्बन्धसँगै विकास साझेदारी पनि निरन्तर बलियो बन्दै गएको छ। शिक्षा, स्वास्थ्य, सडक, खानेपानी तथा सामुदायिक पूर्वाधार निर्माणमा भारत सरकारले नेपालका विभिन्न क्षेत्रमा सहयोग गर्दै आएको छ।
राजदेवीमा सुरु भएको यो परियोजनालाई नेपाल–भारत मित्रता, सहकार्य र स्थानीय विकासको महत्वपूर्ण उदाहरणका रूपमा हेरिएको छ।