लागु औषध सहित वीरगंज मे एक जने पकडईलें
वीरगंज १७ भादो
पुलीस वीरगंज से लागु औषधसहित एक जने के पकडले बा । उदयपुर कटारी नगरपालिका–६ रहेवाला ३८ बरीस के जीबहादुर कार्की के पुलीस पकडले बा ।
उनकर साथ से लागु औषध विनरेक्स ७२ बोत्तल आ नाइट्राभेट ट्याब्लेट १०५ पिस मिलल पुलीस जनवले बा ।
वीरगंज–१३ राधेमाई टोल रहत आईल कार्की के सोमार के दिन के पौने चार बजे डेरा से पकडल जिल्ला प्रहरी कार्यालय पर्सा के प्रवक्ता प्रहरी नायब उपरीक्षक मनोजीत कुँवर जानकारी देहनी ।
उनकर कोठरी खानतलासी कईला पर विनरेक्स ७२ बोत्तल आ नाईट्राभेट ट्याब्लेट १०५ पिस बरामद भईल उ बतवनी ।
बितल आर्थिक बरीस २०७६÷०७७ मे पुलीस अदालत मे लागु औषध ओसारप्रसार विरुद्ध १११ गो मुद्धा दर्ता कईले बा । ओमे संलग्न १ सय ७२ जने के पकडले बा ।
गाँजा ६२४ किलो, चरेश २८ किलो, अफिम १ किलो २५० ग्राम, फेनारगन ३ हजार ५३ एम्पुल, डाईजील्याब ३ हजार ३६४ एम्पुल, नुफिर्न ३ हजार १०१ एम्पुल, निट्राभेट ६ हजार १२ थान आ कोरेक्स ८ सय ३४ एम्पुल बरामद कईले बा ।
