आउर ३३०९ जने मे कोरोना संक्रमण पुष्टि
काठमाण्डु १९ कातिक
पिछिलका २४ घण्टा मे ३ हजार ३०९ जने मे कोरोना भाइरस (कोभिड–१९) के संक्रमण पुष्टि भईल बा । देशभर के प्रयोगशाला मे १३ हजार १४४ नमुना परीक्षण कईला पर १३०४ जनानी आ २००५ पुरुष मे संक्रमण पुष्टि भईल बा ।
एकरा सँगे कुल संक्रमित के संख्या १ लाख ८२ हजार ९२३ पुगल बा । उलोग मेसे एक हजार ३४ जने के मृत्यु भईल स्वास्थ्य तथा जनसंख्या मन्त्रालय जनवले बा ।
१ लाख ४४ हजार ९७८ जने संक्रमणमुक्त भईल बाडन । पिछिलका २४ घण्टा मे मात्र ३ हजार ८४४ जने संक्रमणमुक्त भईल बाडन ।
देशभर ३६ हजार ९११ जने संक्रिय संक्रमित बाडन । उलोग मेसे ३० हजार १३१ होम आइसोलेसन मे बाडन आ ३९७ जने के आईसीयू आ ७८ जने के भेन्टिलेटर मे ईलाज हो रहल बा ।
कहाँ केतना थपईलें संक्रमित ?
मन्त्रालय के मुताविक काठमाण्डु उपत्यका मे १८७८ संक्रमित थपाईल बाडन, जउना मेसे काठमाण्डु के १५७० जने, ललितपुर के १८९ जने आ भक्तपुर के ११९ जने बाडन ।
कास्की के १९८ जने, मोरङ के १७२, सुनसरी के १३०, रुपन्देही के ११०, चितवन के ८८, झापा के ६८, काभ्रे के ६६, नुवाकोट के ६२, मकवानपुर के ४९, बाँके के ४६, अर्घाखाँची के २७, तनहुँ के २४, स्याङ्जा के २३, धनुषा के २२, बर्दिया के १९, नवलपुर आ कैलाली के १८÷१८ जने, दोलखा के १६, पाँतथर, धादिङ, गोरखा आ म्याग्दी के १५÷१५ जने, सिन्धुपाल्चोक के १४, उदयपुर, बारा आ सिन्धुली के १३÷१३ जने तथा रौतहट आ पाल्पा के १२÷१२ जने मे कोरोना संक्रमण पुष्टि भईल बा ।
सप्तरी आ नवलपरासी के १०÷१० जने, महोत्तरी, रामेछाप आ प्युठान के ९÷९ जने, सिराहा आ दाङ के ८÷८ जने, लमजुङ के ७, कपिलवस्तु, दैलेख रुकुम पश्चिम आ बझाङ के ६÷६ जने, बैतडी के ५, धनकुटा, सर्लाही आ जुम्ला के ४÷४ जने, पर्वत आ डडेलधुरा के ३÷३ जने, भोजपुर, पर्सा, बाग्लुङ, गुल्मी, कालीकोट, सुर्खेत, अछाम आ डडेलधुरा के २÷२ जने तथा इलाम, खोटाङ, ताप्लेजुङ, रसुवा, कञ्चनपुर आ दार्चुला के १÷१ जने बाडन ।
