रौतहट मे प्रधानमन्त्री एवं राष्ट्रपति के पुतला दहन
मेवालाल यादव
रौतहट १० पुस
जनता समाजवादी पार्टी नेपाल के केन्द्रिय निर्णय मुताविक रौतहट के सदरमुकाम गौर लगायत देशभर हि प्रधानमन्त्री एवं राष्ट्रपति के पुतला दहन कार्जक्रम कईल बा ।
पुस ५ गते प्रधानमन्त्री केपी शर्मा ओली संसद विघटन कईले रहनी ओकर विरुद्ध मे जनता समाजवादी पार्टी नेपाल उहे दिन से सडक मे उतरल बाडन ।
संसद विघटन कईल विरुद्ध मे दवाबमुलक कार्जक्रम जनता समाजबादी पार्टी नेपाल ५ दिने आन्दोलन घोषणा कईल मुताविक संसद पुनः बहाल करावे खातिर रौतहट के सदरमुकाम गौर स्थित मधेसी क्रान्ति चौक मे वर्तमान प्रधानमन्त्री केपी ओली एवं राष्ट्रपति विद्या देवी भण्डारी के अलग अलग पुतला जरवले रहलन ।
संसद विघटन बदर के माग करत जनता समाजवादी पार्टी रौतहट के आयोजना मे पुतला दहन कार्जक्रम मे अधिनायकवादी सरकार मुर्दावाद, केपी ओली मुर्दावाद, संसद विघटन फिर्ता कर जईसन नारा सहित सयो नेता कार्यकर्ताद्वारा नेकपा के अध्यक्ष एवं प्रधानमन्त्री केपी ओली आ राष्ट्रपति भण्डारी के पुतला जरावल गईल बा ।
उ कार्जक्रम गौर मदेसी क्रान्ति चौक मे प्रहरी प्रशासन व्यापक उपस्थित मे भईल कोणसभा मे रौतहट के जिल्ला ईन्चार्ज बृज किशोर यादव नेकपा के आन्तरिक विवाद मिलावे ना सकला से संसद विघटन कईले बाडन । प्रधानमन्त्री आपन पद बँचावे खातिर संघियता के धराप मे पारे खातिर मुख्य सन्डयन्त्र पुर्व पलालिङ रहल उ आरोप लगवनी ।
कार्जक्रम मे प्रदेश नम्बर २ सरकार के प्रदेश सांसद बाबुलाल साह, जिल्ला समन्वय समिति रौतहट के उपसभापति राम अशिष राय यादव, जसपा केन्द्रिय सदस्य रेवन्त झा, अनिल कुमार सिंह, जिल्ला अध्यक्ष धर्मेन्द्र पटेल, पूर्व उपाध्यक्ष श्याम विहारी राय यादव, जिल्ला सदस्य चन्दन यादव, युवा नेता उपेन्द्र चौधरी, हरि नारायण यादव, कौशर खान मिथिला, राजकुमार तत्मा, सन्जय यादव, ओम प्रकाश साह, शोभ देवी साह, राधा साह, अम्बेया खातून, दिनेश यादव, सन्जिव यादव लगायत नेता कार्यकर्तालोग के सहभागिता रहल रहे ।
