पाँच महिना मे रु ८८ अरब राजस्व सङ्कलन

वीरगंज ०९ पुस

देश के मुख्य व्यापारी नाका वीरगंज से आयात तथा र्नियात बढला सँगे भन्सार कार्यालय के राजस्व सङ्कलन मे उलेख्य सुधार भईल बा । बितल आर्थिक बरीस के पहिलका पाँच महिना के बराबरी मे चालू आव के पहिलका पाँच महिना मे ई कार्यालय ५२ प्रतिशत से बेसी राजस्व सङ्कलन करेमे सफल भईल बा ।

आर्थिक बरीस २०७७÷७८ के सावन से अगहन मसान्त तक के पाँच महिना मे रु ५८ अरब १५ करोड ९९ लाख राजस्व सङ्कलन कईला मे चालू आव के उहे समय मे रु ३० अरब ५३ करोड ९२ लाख बेसी अर्थात ८८ अरब ६९ करोड ९२ लाख राजश्व सङ्कलन भईल बा । ई बितल आव के बराबरी मे ५२ दशमलव ५० प्रतिशत बेसी ह ।

विभाग चालू आव के सावन से अगहन मसान्त तक के समय मे रु ८२ अरब ६१ करोड २५ लाख राजस्व सङ्कलन के लक्ष्य लेहला मे कार्यालय लक्ष्य से रू छ अरब आठ करोड ६६ लाख बेसी राजस्व सङ्कलन करेमे सफल भईल सूचना अधिकारी सुमित गुप्ता जानकारी देहनी ।

उ देश के प्रमुख व्यपारिक नाका वीरगंज के प्रयोग करके सवारी साधन, इन्धन, औद्योगिक कच्चापदार्थ लागयत वस्तु के आयात बढला से राजस्व सङ्कलन मे सुधार देखल गईल बतवनी ।

बितल आर्थिक बरीस के पहिलका पाँच महिना मे रु ५४ अरब ७३ करोड ५७ लाख राजस्व सङ्कलन के लक्ष्य रहला मे कार्यालय लक्ष्य से रु तीन अरब ४२ करोड ४१ लाख बेसी राजस्व सङ्कलन कईले रहे ।

नेपाल के खातिर होखेवाला इन्धन आयात से सङ्कलित राजस्व मे ३५ प्रतिशत आ सवारीसाधन आयात से २५ प्रतिशत राजस्व वृद्धि भईल कार्यालय जनवले बा ।