‘मत तिम्रै हु’ को फस्ट लुक सार्वजनिक
वीरगञ्ज १५ साउन
गायक तथा संगितकार विकास पाण्डेको ‘मत तिम्रै हु’ को फस्ट लुक सार्वजनिक भएको छ । पाण्डेको शब्द संगितमा तयार भएको ‘मत तिम्रै हु’ को फस्ट लुक शनिवार सार्वजनिक भएको हो ।
‘मत तिम्रै हु’ मा चर्चित गायक निशान भट्राईले स्वर दिएका छन् । सो म्युजिक भिडियोमा चर्चित मोडल युवराज केशरी र रितु चौधरीले अभिनय गरेका छन् ।
दर्जनौ बढि म्युजिक भिडियोमा अभिनय गरिसक्नुभएका केशरी लामो समयपछि म्युजिक भिडियोमा देखिन लागेका हुन् । नेपाली चलचित्रमा समेत अभियन गरिसक्नुभएका केशरी मोडल चौधरीसंग पहिलो पटक अभिनय गर्न लागेका हुन् । चौधरीले पनि आधा दर्जनभन्दा बढि म्युजिक भिडियोमा अभिनय गरिसकेकी छिन् ।
मधेश प्रदेशमै उत्कृष्ट भिडियो उत्पादन गर्न सफल विकास गुरुङको टिमले सो भिडियो छायांकन गरेको छ । सो म्युजिक म्युजिक भिडियोको निर्देशन र सम्पादन पनि स्वयं गुरुङले नै गरेका हुन् । म्युजिक भिडियोको सहायक निर्देशकमा राजिव चौधरी रहेका छन् भने सहायक छायांकन सेमुल फेथले गरेका छन् ।
म्युजिक भिडियोको उत्पादन व्यवस्थापन भने विजय ठाकुर र मेकअप सम्झना महत्तोले गरेकी छिन् । सो म्युजिक भिडियोको निर्माता प्रदिप गौतम हुन् भने परिकल्पनाकार संगित स्वयं पाण्डे हुन् । गितको संगित संयोजन अभि र अमृत लुवागुनले गरेका हुन् ।
गायक निशान भट्राईको अफिसियल युट्युब च्यानलमार्फत सार्वजनिक गरिने सो म्युजिक भिडियो भदौको तेस्रो साता सार्वजनिक गरिने निर्माण पक्षले जनाएको छ ।
