पूर्व राजा ज्ञानेन्द्र के माघ १३ गते वीरगंज मे नागरिक अभिनन्दन होखी
पूर्व राजा ज्ञानेन्द्र के माघ १३ गते वीरगंज मे नागरिक अभिनन्दन होखी
वीरगंज २६ पुस
पूर्व राजा ज्ञानेन्द्र शाह के आवेवाला माघ १३ गते वीरगंज मे अभिनन्दन करेके जनावल गईल बा ।
नेपाल पत्रकार महासंघ पर्सा शाखा के सभाहल मे भईल पत्रकार सम्मेलन मे राजावादी निकट संघ संस्थासब आ पूर्व राजा ज्ञानेन्द्र शाह के स्वागत तथा नागरिक अभिनन्दन मुल समारोह समिति के अध्यक्ष वरिष्ठ अधिवक्ता देवेन्द्र लाल नेपाली के अध्यक्षता मे नागरिक अभिनन्दन करेके जनावल गईल बा ।
पत्रकार सम्मेलन मे समिति के महासचिव एवं राष्ट्रिय नागरिक संघर्ष समिति के प्रवक्ता हिराबहादुर चन्द पर्सा, बारा, रौतहट आ सर्लाही जिल्ला के धार्मिक कार्जक्रम मे रहल पूर्व राजा ज्ञानेन्द्र शाह के माघ १३ गते वीरगंज स्थित लाल बंगला परिसर मे भव्य रुप मे नागरिक अभिनन्दन करेके कार्जक्रम तय भईल बतवनी ।
उ पूर्व राजा ज्ञानेन्द्र पुस २८ गते सर्लाही के बरहथवा स्थित मुक्तेश्वर महादेव मन्दिर, माघ २ गते रौतहट शिवनगर स्थित शिव मन्दिर आ माघ ४ गते गढीमाई मन्दिर मे पूजापाठ के खातिर सिमरा आईल अवसर मे माघ १३ के दिन वीरगंज मे भी नागरिक अभिनन्दन करेके तईयारी भईल बतवनी ।
राष्ट्रिय प्रजातन्त्र पार्टी, राष्ट्रिय नागरिक संघर्ष समिति, राष्ट्रिय सरोकार मञ्च, राष्ट्रिय शक्ति नेपाल, नेपाल राष्ट्रवाद संघ, नेपाल विद्वत परिषद, शिव सेना नेपाल, बीर गोर्खाली अभियान, राष्ट्रवादी शान्ति समुह, मुस्कान सेना नेपाल, राजभक्त राष्ट्रवादी समुह, विश्व हिन्दु महासंघ, राष्ट्रवादी नागरिक समाज, राजसंस्था पुर्नस्थापना संघर्ष समिति, विश्व हिन्दु परिषद, रा प्र पा नेपाल, नेपाल जनतापार्टी, बजरंगदल तथा २०४७ को संविधान हाम्रो अभियान सहित के राजनीतिक दल तथा संघसस्थासब के प्रतिनिधिलोग समिति के संयोजक तथा सदस्यलोग संयुक्त रुप मे पूर्व राजा ज्ञानेन्द्र के अभिनन्दन करेके महासचिव चन्द बतवनी ।
पत्रकार सम्मेलन मे राजावादी पशुपति विक्रम शाह, नेपाल पत्रकार महासंघ पर्सा के अध्यक्ष अनुप तिवारी, उद्योगपति राजकुमार सिन्धी लगायत के सहभागिता रहल रहे ।
