ड्राईभिङ्ग स्कुल संघ प्रदेश २ मुख्यमन्त्री आ भौतिक पुर्वाधार बिकास मन्त्रालय मे चार बुदें ज्ञापन बुझवलख

वीरगंज १२ पुस

ड्राईभिङ्ग स्कुल संघ नेपाल प्रदेश २ समिती जनकपुर आजु मुख्यमन्त्री लालबाबु राउत गद्दी के ज्ञापन पत्र बुझवले बा ।

प्रदेश अध्यक्ष अकलेश साह के नेतृत्व मे गईल टोली चार बुदें माँग सहित ज्ञापन पत्र बुझवले बा । संघ सरकार के निर्देशिका २०७४ मुताविक एगो ड्राईभिङ्ग सेन्टर एगो ट्रायल सेन्टर बनावेके नियम खारेज करके ४÷५ जने व्यवसायी मिल के एगो ट्रायल सेन्टर बनावेके, रुकल ड्राईभिङ्ग के प्रमाणपत्र फेनु लागु होखेके, रुकल ड्राईभिङ्ग स्कुल के नविकरण सहज तरिका से मिलो आ २०७४ निर्देशिका मुताविक ४ जने प्रशिक्षक राखल जगहा मे एक जने प्रशिक्षक अनिवार्य राखेवाला किसिम से ऐन मे समावेश करके ऐन बनावे खातिर निहोरा कईल अध्यक्ष साह जानकारी देहनी ।

एहितरे संघ भौतिक पुर्वाधार बिकाश मन्त्रालय के सचिव रामाधार साह के भी आपन माँग के बारे मे जानकारी करावल अध्यक्ष साह बतवनी ।

उ अवसर मे उपाध्यक्ष गौरव क्षेत्री, सचिव दिलिप कुमार दास, कोषाध्यक्ष दिपनारायण साह, सदस्य गंगा लामा, बिमल अधिकारी, अमिृत विश्वकर्मा, मुख्यमन्त्री के स्वकिय सचिव दिपक यादव लगायत के सहभागीता रहल रहे ।