आउर १९२० जने मे कोरोना संक्रमण, ३४ जने के मृत्यु
काठमाण्डु १३ असाढ
पिछिलका २४ घण्टा मे आउर १९२० जने मे कोरोना भाइरस संक्रमित मिलल बाडन ।
स्वास्थ्य तथा जनसंख्या मन्त्रालय के मुताविक ६००० जने मे कईल पीसीआर परीक्षण मे १३५३ आ ३८३६ जने मे कईल एन्टिजेन परीक्षण मे ५६७ जने करके १९२० जने मे संक्रमण पुष्टि भईल बा ।
संक्रमित मेसे काठमाण्डु उपत्यक मे ४२४ जने रहल बाडन । जउना मे काठमाण्डु जिल्ला मे २९२, ललितपुर मे १०० आ भक्तपुर मे ३२ जने रहल बाडन । पिछिलका २४ घण्टा मे कोरोना भाइरस संक्रमणमुक्त होखेवाला के संख्या ३००७ रहल बा । संक्रमण के चलते ३४ जने के मृत्यु भईल बा ।
नेपाल मे अभी तक ६ लाख ६५ हजार ७७७ जने मे कोरोना भाइरस संक्रमण भईला मे ५ लाख ८४ हजार ३३४ जने संक्रमणमुक्त भईल बाडन आ ९००९ जने के मृत्यु भईल बा ।
एहितरे स्वास्थ्य मन्त्रालय के मुताविक सबसे बेसी काठमाण्डु मे २९२, सुनसरी मे १७१, मोरङ १०४, ललितपुर मे १०० जने मे कोरोना संक्रमण देखल गईल बा ।
कास्की मे ८३, नुवाकोट मे ५८, चितवन मे ५५, सुर्खेत मे ४३, सिन्धुपाल्चोक मे ३९, काभ्रेपलाञ्चोक मे ३६, भक्तपुर मे ३२ , तनहुँ मे २९, झापा मे २६ आ धादिङ मे २५ जने कोरोना संक्रमित थपाईल बाडन ।
एहितरे रुपन्देही मे १८, लमजुङ आ बागलुङ मे १७÷१७ जने, स्याङजा मे १५, दाङ मे १४, दोलखा आ कैलाली मे १३÷१३ जने, उदयपुर, धनुषा आ सप्तरी मे ११÷११ जने, पाल्पा मे १० जने मे कोरोना संक्रमण देखल गईल बा ।
१० बरीस निचेके ५० जने लईकालइकी मे कोरोना संक्रमण देखल गईल बा आ ११ से २० बरीस उमिर समूह के ११६ जने मे कोरोना संक्रमण पुष्टि भईल स्वास्थ्य तथा जनसंख्या मन्त्रालय जनवले बा ।
