सर्टगन के १९ राउन्ड गोली सहित भारतीय नागरिक कुशवाहा पकडईलें
वीरगंज ०८ सावन
वीरगंज महागरपालिका वार्ड नम्बर १६ भानुचोकस्थित सडक खण्ड मे पुलीस एक भारतीय नागरिक के १९ राउन्ड गोली सहित पकडले बा । पकडाएवाला मे भारत बिहार पश्चिमी चम्पारण बेतिया लगुनाहा निवासी २२ बरीस के मुरारी कुशवाहा रहल बाडन । एतवार के रात साढे ९ बजे प्रहरी चौकी बसपार्क के टोली नियमित चेकजाँच के समय मे ए जने अपरिचित आदमी शंकास्पद रुप मे हाथ मे झोरा लेके बसपार्क ओरी आ रहल अवस्था मे खानतलासी कईला पर सटगन के गोली बरामद भईल पर्सा के प्रहरी नायब उपरीक्षक निर्मल बुढाथोकी बतवनी ।
खानतलासी कईला पर १२ शक्तिमान १२ एक्सप्रेस लिखल १५ राउन्ड, केएफ १२ लिखल ३ राउन्ड आ १२ केएफ १२९६ लिखल १ राउन्ड करके १९ राउन्ड सर्टगन के गोली मिलल प्रवक्ता भी रहल डीएसपी बुढाथोकी बतवनी ।
कुशवाहा के नियन्त्रण मे लेके हाथहथियार तथा खरखजाना सम्बन्धी कसुर मे आउर अनुसन्धान हो रहल प्रहरी नायब उपरीक्षक निर्मल बुढाथोकी बतवनी ।
