मध्य नेपाल सन्देस साप्ताहिक पत्रिका के ८ वाँ वर्षिकोत्सव पुरा
वीरगंज १२ भादो
वीरगंज से प्रकाशित होत आईल मध्य नेपाल सन्देस साप्ताहिक पत्रिका के आठ वाँ वर्षिकोत्सव मंगर के दिने एगो भव्य कार्जक्रम के बिच मनावल गईल बा ।
वार्षिकोत्सव के प्रमुख अतिथि वीरगंज महानगरपालिका मे मेयर राजेशमान सिंह पत्रकार जनानीलोग के सीप आ क्षमता अभिबृद्धि के खातिर वीरगंज महानगर सहजोग करेके बतावत पत्रकारिता के स्तरबृद्धि के खातिर महानगर हाथेमालो करे खातिर तइयार रहल बतवनी ।
उ पत्रकारिता क्षेत्र मे क्रियाशिल रहल जनानी पत्रकारलोग के क्षमता बृद्धि तथा स्थायित्व के खातिर महानगर मिलके काम करे खातिर हरदम तइयार रहल बतवनी ।
वार्षिकोत्सव के अवसरमा पत्रिका बारा के पत्रकार शारदा पोखरेल के १० हजार रोपेया सहित उत्कृष्ट महिला पत्रकारिता पुरस्कार से सम्मानित कईले बा । एहितरे टेलिभिजन पत्रकार उपेन्द्र ठाकुर, युवा पत्रकार जियालाल साह के भी पत्रिका १० हजार राशि के पुरस्कार से सम्मानित कईले बा ।
युवा चित्रकार अजमत अली, स्तम्भकार शुदर्शनराज पाण्डे, स्व. उमाशंकर द्विवेदी (दधिची) के मरणोपरान्त सम्मान कईले बा । पत्रिका वितरक सतेन्द्र वर्णवाल के नगद ५ हजार सहित पुरस्कृत कईल पत्रिका जनवले बा ।
पत्रिका के सम्पादक कविता खड्का के अध्यक्षता मे भईल कार्जक्रम मे मधेश विश्व विद्यालय के उपकुलपति डा. दिपक शाक्य, नेकपा एमाले पर्सा के संयोजक डा.बिश्वम्भर शर्मा, जसपा पर्सा के सचिव तबरेज अहमद, पर्सा के प्रमुख जिल्ला अधिकारी हिरालाल रेग्मी, नेपाल पत्रकार महासंघ के केन्द्रिय सचिव दिपेन्द्र चौहान, केन्द्रिय सदस्य केसी लामिछाने, नेपाल उधोग बाणिज्य संघ के केन्द्रिय सदस्य डा.सुवोध गुप्ता, वीरगंज के अध्यक्ष अनिल अग्रवाल, वरिष्ठ पत्रकार चन्द्र किशोर झा, डा.सुस्मा तिवारी द्विवेदी, अधिवक्ता कमल मोहन पोखरेल, डा.लक्ष्मी थापा, सलमा खातुन लगायत के सहभागिता रहल रहे ।
लक्ष्मी खरेल से सञ्चालन कईल कार्जक्रम मे स्वागत मनतव्य गीता भण्डारी कईले रहनी ।
