कोरोना संक्रमण से एके दिन २१४ जने के मृत्यु, ९,२४७ जने मे संक्रमण
काठमाण्डु ३ जेठ
कोरोना भाइरस संक्रमण के चलते एके दिन २१४ जने के मृत्यु भईल बा । स्वास्थ्य तथा जनसंख्या मन्त्रालय के मुताविक पिछिलका २४ घण्टा मे ९ हजार २४७ जने मे संक्रमण पुष्टि भईल बा ।
पिछिलका ३ दिन लगातार मृतक संख्या घटला पर भी सोमार के दिने फेनु बढल बा । एकरा सँगे नेपाल मे कोरोना भाइरस संक्रमण से मृत्यु होखेवाला के संख्या ५ हजार २१५ पुगल बा । बितल शुक के दिने मृतक संख्या २०३, शनिचर के १८७ आ एतवार के १४५ जने रहल रहे ।
पिछिलका २४ घण्टा मे २१ हजार ६५३ पीसीआर परीक्षण मे ९ हजार १९८ जने आ ४३४ एन्टिजेन परीक्षण मे ४९ जने करके ९ हजार २४७ जने मे संक्रमण पुष्टि भईल बा । एकरा सँगे नेपाल मे कोरोना भाइरस संक्रमित के कुल संख्या ४ लाख ६४ हजार २१८ पुगल बा ।
जउना मेसे सक्रिय संक्रमित के संख्या एक लाख १३ हजार ४८० पुगल बा । सक्रिय संक्रमित मेसे एक लाख ६ हजार ५१० जने होम आइसोलेसन मे बाडन आ छ हजार ९७० जने संस्थागत आइसोलेसन मे रहल वाडन । एहितरे आईसीयू मे एक हजार २५९ जने आ भेन्टिलेटर मे चार सय जने रहल बाडन ।
पिछिलका २४ घण्टा मे कोरोना भाइरस संक्रमणमुक्त होखेवाला के संख्या पाँच हजार ७६७ रहल बा । अभी तक संक्रमणमुक्त होखेवाला के संख्या तीन लाख ५५ हजार २२३ रहल बा ।
कउन जिल्ला मे केतना संक्रमित थपईलें ?
स्वास्थ्य तथा जनसंख्या मन्त्रालय के मुताविक सबसे बेसी काठमाण्डु मे २,३४६, कैलाली मे ७४२, मोरङ मे ४६९, ललितपुर मे ४५४, कास्की मे ४३४, रूपन्देही मे ४१३, बाँके मे ३७८ आ बर्दिया मे ३१३ जने कोरोना संक्रमित थपाईल बाडन ।
एहितरे सुनसरी मे ३००, भक्तपुर मे २९८, धनुषा मे २३२, कञ्चनपुर मे २१८, सुर्खेत मे १९६, झापा मे १७४, दाङ मे १३७, महोत्तरी मे १३० आ मकवानपुर मे १२४ जने कोरोना संक्रमित थपाईल बाडन ।
एहितरे सप्तरी मे १२१, पर्सा मे ९८, पाल्पा मे ९४, काभ्रेपलाञ्चोक मे ९१, स्याङजा मे ८५, रौतहट मे ७६, नुवाकोट मे ७५, चितवन मे ६७, गोरखा मे ६५, संखुवासभा मे ६४, धनकुटा मे ६३, पर्वत मे ६०, इलाम मे ५९, सिन्धुपाल्चोक मे ५८, म्याग्दी मे ५७ आ रामेछाप मे ५४ जने मे कोरोना संक्रमण देखल गईल बा ।
एहितरे लमजुङ मे ४८, जाजरकोट मे ४६, गुल्मी मे ४४, सिन्धुली मे ३६, दैलेख आ डडेल्धुरा मे ३५÷३५ जने, डोटी मे २९, तनहुँ आ नवलपरासी पश्चिम मे २८÷२८ जने, बारा मे २७, सल्यान मे २३, पाँचथर आ सर्लाही मे २१÷२१ जने आ कपिलवस्तु मे २० जने कोरोना संक्रमित थपाईल बाडन ।
एहितरे तेह्रथुम आ सिरहा मे १९÷१९ जने, खोटाङ मे १७, अर्घाखाँची आ रूकुम पश्चिम मे १६÷१६ जने, धादिङ मे १५, कालिकोट मे १३, ओखलढुंगा, अछाम आ दार्चुला मे १२÷१२ जने, ताप्लेजुङ मे ९, नवलपरासी पूर्व मे ८ तथा उदयपुर, बागलुङ आ जुम्ला मे ७÷७ जने मे कोरोना संक्रमण पुष्टि भईल बा ।
एहितरे दोलखा मे ४, सोलुखुम्बु आ प्युठान मे ३÷३ जने, भोजपुर, मनाङ, रोल्पा, बाजुरा आ बैतडी मे २÷२ जने तथा मुस्ताङ, मुगु आ बझाङ मे १÷१ जने कोरोना संक्रमित थपाईल मन्त्रालय जनवले बा । एहितरे ९ बरीस निचेके २१९ लईकालइकी मे कोरोना संक्रमण पुष्टि भईल बा आ १० से १९ बरीस उमिर समूह के ६४६ जने मे कोरोना संक्रमण देखल गईल बा ।
